Æвзарæн бюллетентæ цæттæ сты…

0
28

Абон у Уæрæсейы Президенты æвзæрстытæм бюллетентæ мыхуыр кæныны фæстаг боны æмгъуыд. Куыд сбæрæг, афтæмæй изæрмæ цæттæ уыдзысты бынатмæ сæ фæхæццæ кæнынмæ.
Уæрæсейы Президенты æвзæрстытæм бюллетентæ мыхуыр кæныны хъуыддаг бабар кодтой акционерон æхсæнад «Осетия-Полиграфсервис»-æн. Фыццæгæм мартъимæ у æвзæрстытæм сæ бацæттæ кæныны æмгъуыд.
Æвзæрстытæм «Осетия-Полиграфсервис»-ы ныммыхуыр кæндзысты 516 мин бюллетены. Республикæйы Æвзарæн къамисы фæдзæхст æххæст кæнынмæ куыстуаты бавнæлдтой 26 февралы, 29 февралы сæ хъуамæ æххæстæй арвитой фæдзæхсæгмæ, дарддæр уæрст æрцæудзысты республикæйы æппæт æвзарæн участоктыл.
Æхсæнады генералон директоры хæдивæг Хуыбиаты Валентинæ æмæ цехы хицау Дыгъуызты Валери нæ уацхæссæгæн радзырдтой: «Абон у Æвзарæн къамисы фæдзæхст æххæст кæныны фæстаг бон. Куыст æнæкъуылымпыйæ сæххæст кæныны тыххæй нæ коллективы бахъуыд уæлæмхасæн рæстæг кусын. Уый хыгъд нын бантыст 40 мин бюллетены бæсты иу радмæ 50-60 экземпляры ныммыхуыр кæнын. Мыхуыргæнæг Кортиаты Валери йе ‘ххуысгæнæг Олег Шелковинимæ, нывæфтауæг Хуыбиаты Радик, хъæбæрцъаргæнджытæ Зæнджиаты Аксанæ æмæ Хуыбежты Лаурæ ацы къуыри куыстой уæлæмхасæн рæстæг».
Райсом æвзæрстыты бюллетентæ сæмбæлдзысты фæдзæхсæгыл.

Хуыбиаты Ларисæ,
авторы ист къам

ОСТАВЬТЕ ОТВЕТ

Please enter your comment!
Please enter your name here