Дæрддзæф хъæутæм — дохтыртæ æмæ фелсыртæ

0
25

Цæгат Ирыстоны йæ куыст кæнынц программæтæ «Хъæуккаг дохтыр» æмæ «Хъæуккаг фелсыр». Медицинон кусджытæ 2014 азæй райстой иухаттон фиддон фæйнæ 1 милуан сомы.

Мæхческы хъæуы фелсырон пункты Тадеты Марат кусы ныр 6-æм аз. Кæд æмæ бæрзонд хæххон уавæртæ æнцон схонæн нæй, уæддæр пункт æппæт фадæттæй дæр æххæст у. Фелсырон пункты алцыдæр ис афойнадыл медицинон æххуыс бакæнынæн. Æрыгон специалист Мæхческмæ æрбацыд 2018 азы, программæ «Хъæуккаг дохтыр» æй сразæнгард кодта. Уæдмæ хъæуы цалдæр азы дохтыр нæ уыд. Тадейы-фырт бакуыста 5 азы æмæ сфæнд кодта хъæуы баззайын.
Программæмæ гæсгæ райста 1 милуан сомы. Мараты ныхасмæ гæсгæ, зындæр у зымæгон афон кусын, фæндаг мит сæхгæны. Сæрдыгон та туристтæ сбирæ вæййынц, алыхуызон низтæм æмхиц разынынц. Иннæ афонты алцыдæр цæуы нывыл уагыл. Мæхческы хъæуы цæрынц 180 адæймаджы.
Йæ уавæртæй разы у фелсыр Хæмыцаты Алетæ дæр. Фелсырон пункты кусы 1 аз æмæ 6 мæйы. Уый дæр у программæ «Хъæуккаг фелсыр»-ы архайæг. Алы бон дæр цæуы Цыколайæ — радих ын кодтой куыстадон машинæ. Райста фиддон 750 мин сомы. Цалдæр мæймæ хъæуккæгты æмхуызонæй базыдтой.
Ацы аз программæтæ «Хъæуккаг дохтыр» æмæ «Хъæуккаг фелсыр»-мæ гæсгæ дæрддзæф хъæутæм ацæудзысты 24 дохтыры æмæ 2 медицинон кусæджы. Нырмæ программæты лæггæдтæй спайда кодтой 200 адæймагæй фылдæр.

Цъæхилты Лидия

ОСТАВЬТЕ ОТВЕТ

Please enter your comment!
Please enter your name here