Ацы азы 1 апрелæй фæстæмæ «Фæндагыл цыды æдасдзинады тыххæй» федералон закъоны 25 æмæ 26 статьятæм ивддзинæдтæ бахæссыны тыххæй» 2023 азы 10 июлы фидаргонд № 313-ФЗ федералон закъон йæ тыхы кæй бацыд, паддзахадон автоинспекци уый тыххæй хабар хъусын кæны.
Федералон закъон фæсарæйнаг хæдтулгæскъæрæджы æвдисæндары бындурыл транспортон фæрæзтæ скъæрынимæ баст гæрæнтæ фидар кæны, уæрæсейаг национ хæдтулгæскъæрæджы æвдисæндар дæттыны фæтк ивы, стæй автобустæ æмæ иугонд транспортон фæрæзтæ скъæрынæн бардæттæг фарстатæ бæлвырд кæны.
Фæлварæнтæ дæттынмæ бауадзыны фæтк ивы. Нозтджынæй транспортон фæрæз скъæрыны тыххæй административон бæрнондзинад кæмæй бадомдтой, фæиппæрд кæныны æмгъуыды фæуды фæстæ хæдтулгæскъæрæджы æвдисæндар фæстæмæ радтыны æууæл чи нæ баххæст кодта æмæ транспортон фæрæз скъæрыны барæй кæй фæиппæрд кодтой, ахæм адæймæгты нæ бауадздзысты фæлварæнтæм.
Ахуырадон куыст, стæй æмбæлгæ къордтæ æмæ дæлкъордты транспортон фæрæзты скъæрджыты профессион ахуырады бындурон программæтæ чи æххæст кæны, уыцы-иу рæстæг ахæм кусæндæтты ахуырадон-материалон бындуры аккагдзинады тыххæй хатдзæгтæ дæттыны фæткмæ уæлæмхасæнтæ бахастой.
РЦИ-Аланийы Мидхъуыддæгты министрады
паддзахадон автоинспекцийы пресс-службæ
