Æппæтуæрæсеон конкурс «Хуыздæр муниципалон практикæ»-йы регионалон къæпхæн саразыныл ныхас рауад, РЦИ-Аланийы Хицауады Сæрдар ДЗАНАЙТЫ Барис цы æмбырд скодта, уым.
Куыд фæбæрæг кодта, афтæмæй федералон конкурс конд цæуы муниципалон разамынд дæттыны хуыздæр æмæ фæзминагдæр фæлтæрддзинад рабæрæг кæныны охыл. Уый руаджы муниципалон скондтæ исынц фæрæзтæ, уайтагъд дзы алыг кæнынц риссагдæр фарстатæ, сæ рæзтыл фæбæрæг вæййы.
Конкурсы регионалон къæпхæн конд æрцæудзæн дыууæ категорийæ: горæтаг цæрæнбынæттæ æмæ хъæуккаг цæрæнбынæттæ. Куырдиæттæ исынц 25 июнмæ. Ацы аз бынæттон хи-уынаффæйады оргæнтæ сæ фæлтæрддзинад равдис-дзысты фондз номинацийы.
«Горæттæаразæн политикæ, цæрджыты фæрныг фадæттæ, цæрæнуæтты-коммуналон хæдзарады рæзт», «Нымæцон технологитæ æмæ платформæты уынаффæтæ горæтаг хæдзарады рацарæзты», «Муниципалон экономикон политикæ æмæ муниципалон финанстæн разамынд дæттын», «Муниципалон сконды цæрджытимæ ахадгæ бастдзинад, фæз-уатон хиуынаффæйады рæзт æмæ граждæнты æргом хиуынаффæйады æндæр хуызтæм раздахын», «Нациты ‘хсæн сабырдзинад æмæ разыдзинад фидар кæнын, национ политикæйы æндæр ма-дзæлттæ æххæст кæнын» – æппæт ацы фæлварæнтæ хъæуы раттын æнтыстджынæй.
Æмбырдæй хатдзæгтæ кæнгæйæ, Дзанайты Барис бынæттон хиуынаффæйады оргæнты разамонджытæн бахæс кодта цæрæнбынæтты хицæутты æргом конкурсмæ аздахын, цæмæй дзы бацархайой ууыл бакусын. Конкурсы чи архайдзæн, уыдонæн алывæрсыг æххуыс уыдзæн уæлдæр хицауадæй.
Бутаты Эльзæ
