Дзæуджыхъæу йæхи цæттæ кæны Авторон кинонывты æппæтуæрæсеон фестивалмæ. Мадзал арæзт æрцæудзæн Кинойы хæдзары 5 апрелы, байгом æй кæн-дзысты изæры фондз сахатыл.
Уазджытæн сæ бон уы-дзæн фембæлын кинорежиссертæ, сценаристтæ, продюсертæ æмæ фестивалы президент Сергей Тютинимæ, стæй ма бакæсын, фестивалы мæскуыйаг хайы хæрзиуджытæ чи райста, уыцы хуыздæр цыбырметражон кинонывтæм. Конкурсы программæ райдайдзæн 19 сахатыл.
6 апрелы фестивалы фæлгæты равдисдзысты Сергей Тютины æххæстметражон киноныв «Крошка». Киноныв адæмы размæ рахæсдзысты режиссæр йæхæдæг æмæ сæйраг ролы ахъазæг Плиты Николь. Киноныв райста бирæ хæрзиуджытæ алы-
хуызон кинофестивалты æмæ преми «Сабырдзинады фарнæн».
«Арткино» нæ бæстæйы фестивалты стырдæртæй иу у, фæцæуы дыууæ къæпхæнæй. Кинонывтæ уал равдыстой Мæскуыйы, ныр та сæм Уæрæсе æмæ Хæдбар Паддзахæдты Æмхæларады æртын горæты æнхъæлмæ кæсынц.
Бутаты Азæмæт
