УФ-йы Æдасдзинады федералон службæйы цæгатирыстойнаг управлени æмæ РЦИ-Аланийы Мидхъуыддæгты министрады оперативон кусджытæ, иумæйаг агурæн мадзæлттæ саразгæйæ, кæрон æрæвæрдтой Фæскавказы бæстæтæй иуы дыууæ цæрæджы æнæзакъон архайдæн.
Слестгæнджытæ куыд сбæрæг кодтой, афтæмæй 1976 æмæ 1985 азы гуырд нæлгоймæгтæ Эльшан Асланов æмæ Алтун Сулейманов республикæмæ æрбаластой наркотикон буаргъæд. Наркотик хæйттыл куы адих кодтой æмæ йæ рагагъоммæ бæлвырдгонд сусæг бынæтты æвæрын куы райдыдтой, уæд сæ оперативон кусджытæ баурæдтой. Нæлгоймæгтæм куы баджигул кодтой, уæд сæм разынд метадоны 2 граммы бæрц.
Уыцы цауы фæдыл Рахизфарсы районы мидхъуыддæгты хайад сарæзта уголовон хъуыддаг æмæ баххæст кодта æппæт слестгæнæн мадзæлттæ дæр. Ныр уголовон хъуыддагмæ æркаст районы тæрхондон.
Хъуыддаджы æппæт æууæлтæ раиртасгæйæ, гуырысхойæгты фыдгæнд тæрхондон æнæдызæрдыгыл банымадта. Афтæмæй сæ æнæзакъон архайды тыххæй амынд нæлгоймæгтæ хæстæгдæр 3 азы æмæ 6 мæйы арвитдзысты ахæстоны.
УФ-йы Æдасдзинады федералон службæйы РЦИ-Аланийы
управленийы пресс-службæ
