Зæрдиаг арфæ уын кæнын Рухс Куадзæны бæрæгбоны фæдыл! Чырыстийы хорзæх уæ уæд! Куадзæны бæрæгбон æрмæст чырыстон дингæнæг дзыллæ нæ бæрæг кæнынц, фæлæ бирæнацион Уæрæсейы хъæздыг истори æмæ культурон традицитæ зынаргъ кæмæн сты, уыдон се ‘ппæт дæр. Ахсджиаг у, ацы рухс бæрæгбон кæй æнгом кæны алы фæлтæрты æмæ нæ ахуыр кæны искæй рис æмбарыныл, нæ алыварс чи ис, уыдон уарзыныл.
Бирæ æнусты дæргъы нæ Ирыстоны стырдæр хæзна уыдис æмæ ныр дæр у нæ зæххыл цæрæг алы адæмыхæттыты минæвæртты иудзинад æмæ æнгомдзинад, уый та у бирæконфессионалон æхсæнады кæрæдзи æмбарынад æмæ разыдзинады бындур.
Бинонты институт, æгъдау фидар кæныны, рæзгæ фæлтæры раст хъомыладмæ стыр æвæрæн хæссы Дзæуджыхъæуккаг æмæ Алайнаг епархи.
Зынаргъ æмбæстæгтæ! Мæ зæрдæ уын зæгъы фидар æнæниздзинад, сабырдзинад, уæ рæсугъд фæндтæ сæххæст уæнт! Куадзæны рухс бонтæ уын æрхæссæнт амонд, хорзырдæм ивддзинæдтæ, æнæфыдбылыз цард!
Тускъаты Таймураз,
Республикæ Цæгат Ирыстон-Аланийы Парламенты Сæрдар
