Ерыстæ – адæмон хъæзтытæй

0
18

Æхсæнадон иугонд «Ирон федераци»-йы минæвар Илонæ ШАПКА Сунжæйы Багаты Иваны номыл астæуккаг скъолайы сарæзта ерыстæ ирон адæмон хъæзтытæй. Архайдтой дзы 5-æм кълæсты ахуырдзаутæ.

Ерыстæ ацыдысты Ирон æвзаг æмæ литературæйы бæрæгбоны фæлгæты. Скъоладзаутæ сæ тыхтæ æвдыстой ивазæнтæй, бæндæнæй хъазты, уæхскæй къуырыны хъазты, уæхскæй дур æппарынæй, бæндæн ивазынæй. Алы хъазты дæр чызджыты æмæ лæппуты ‘хсæн сбæрæг сты уæлахиздзаутæ, стæй, бæндæн ивазынæй кæцы командæ рамбылдта, уый дæр.
Ерысты архайджытæ канд сæ хъарутæ нæ равдыстой, фæлæ базыдтой, физикон хъомылады цавæр ирон традицитæ æмæ æгъдæуттæ æвдыст цыд, уый.
«Ирон федераци» ерыс-тæ сарæзта скъолайы администрациимæ иумæ. Æххуысгæнæг та сын уыд Президенты гранты фонд, «Этноспорт: от героев – героям», зæгъгæ, проекты фæлгæты.

Нæ уацхæссæг

ОСТАВЬТЕ ОТВЕТ

Please enter your comment!
Please enter your name here