Ныхас ирыстойнаг спортыл кæм цæуы, Дзæуджыхъæуы æрбынæттон-уæвæг Адæмты хæлардзинады республикон хæдзармæ ’рбацæуæг горæты 38-æм скъолайы 2-æм «Б» къласы ахуырдзаутæ (сæ разамонæг – Светланæ Сеидова ) дзыхæйдзургæ журнал «Нерушимый, как Кавказа горы, широкий, как российские поля»-йы ахæм фыццаг фарсæн презентаци скодтой.
Фембæлды рæстæг ныхас цыд нæ республикæйы зындгонд спортсментыл (уыимæ – регионæй рацæуæг олимпиаг чемпионтыл дæр). Нæ спортсменты сгуыхтдзинæдтимæ базонгæ-уæвæг фæсивæд сæхи спортивон æнтыстдзинæдтыл радзырдтой. Спортивон секцитæм цæуæг скъоладзаутæй бирæтæ алыхуызон ерысты фæарха-йынц.
Презентацийы архайæг сывæллæттæ спорты пайдайы тыххæй æмдзæвгæтæ бакастысты, стæй чысыл сценкæ равдыстой. Фæстагмæ къласы спорт-сментæ-медалисттæ сæ хæрзиуджытимæ æрбацæуæг адæмы базонгæ кодтой. Фембæлды кæрон хъомыладон куыстæй ахуыргæнæндоны директоры хæдивæг Елойты Иринæ Адæмты хæлардзинады хæдзары коллективæн æмгуыстады тыххæй бузныг загъта.
Гугкаты Жаннæ
