Ныртæккæ Мæскуыйы Дунеон ахастдзинæдты паддзахадон
институты цæуынц Цæгат Ирыстоны бонтæ. Хъуыддаг кадджын уагæй байгом кæныны архайдта РЦИ-Аланийы Сæргълæууæг Сергей Меняйло.
Мæскуыйаг институты ректор Анатолий Торкунов æмæ Сергей Меняйло сæмбæлдысты ирыстойнаг нывгæнджытæ Æхполæтты Æхсарбег æмæ Ульянæ Гончаровайы нывты равдысты. Хъуыддаг бантыст Алайнаг æмзæххонтæ æмæ Уæрæсейаг студентты æмбалады руаджы. Сæ цуры балæууыдысты уæлдæр ахуыргæнæндоны хъомылады управленийы кусджытæ дæр.
Республикæйы Сæргълæууæг ирыстойнаг студентты ахуыры уавæрæн бæрзонд аргъ скодта, республикæйы культурæмæ афтæ къæрцхъус кæй сты, уымæй разыйæ баззад. Стæй ма загъта, Цæгат Ирыстон ахсджиаг бонтæ кæй сбæрæг кодта: Ирыстон Уæрæсеимæ барвæндонæй баиуы 250 азы, Дзæуджыхъæуы 240 азы æмæ республикæйы автономийы 100 азы.
Сергей Меняйло бæлвырд радзырдта бæрæгбæтты æппæт мадзæлтты тыххæй, Мæскуыйы Дунеон ахастдзинæдты паддзахадон институты Цæгат Ирыстоны бонтæ кæй цæуынц, уымæн дæр аргъ скодта. Республикæйы Сæргълæууæг арфæ ракодта институты разамынд æмæ студенттæн ахуыргæнæндоны 80 азы юбилейы фæдыл. Студенттæ æмæ республикæйы разамонæджы ‘хсæн рауад æргом ныхас, фарстытæ æмæ дзуаппытæ кæрæдзи ивтой.
РЦИ-Аланийы
Сæргълæууæг æмæ Хицауады
пресс-службæ
