Цæгат Ирыстоны дарддæр цæуынц быдырон куыстытæ. Нæ республикæйы Хъæууон хæдзарады министрад архайы федералон проект «АКП-йы продукцийы экспорт» царды рауадзыныл. Уый ахъаз у национ проект «Æппæтадæмон коопераци æмæ экспорт»-ы нысантæ æмæ бæрæггæнæнтæ бæрзонддæр æмвæзадмæ ракæныны хъуыддагæн.
Ведомствæйы пресс-службæ куыд хъусын кæны, афтæмæй æфснайæн быдырон куыстытæ сты хъæууон хæдзарады аграритæн сæ архайды ахсджиагдæр хай. Бæрæггæнæнтæм гæсгæ, сентябры дыргътæ æмæ гагадыргътæ æмбырдгонд æрцыд 23546,3 тоннæйы 984,9 гектарæй. Сæйрагдæр тыллæг æмбырд кæнынц нæ республикæйы Алагир, Киров æмæ Горæтгæрон районты. 1 сентябрмæ уæлдæр амынд экспортмæ АПК-йы продукцийы дыргътæ æмæ гагадыргъты бæрц схызт 11,4 мил-
уан доллæрмæ, фарон та дыргъты экспорты процент уыдис 0,4 милуан доллæры аргъ. Экспорты сæйраг регионыл нымад æрцыд Хуссар Ирыстон.
Гугкаты Жаннæ
