УФ-йы Федералон Æмбырды Федерацийы Советы уæнгты къорд 25-28 октябры кусæг балцы уыд Узбекистаны. Уым уæрæсейаг сенатортæ сæ цæст дардтой, Мажлисы (республикæйы парламенты) закъон-æвæрæг (дæллаг) палатæмæ æвзæрс-тыты фæткмæ. Дунеон цæстдарджыты къорды уыд УФ-йы Федерацийы Советы уæнг Цæгат Ирыстонæй МАМСЫРАТЫ Таймураз дæр.
Уый тыххæй «Рæстдзинад»-æн фехъусын кодтой сенаторы æххуысгæнджытæ.
Узбекистаны Мажлисмæ æвзæрстытæ цыдысты 27 октябры. Закъонмæ гæсгæ, республикæйы парламентмæ кандидатты номхыгъдтæ бадæттыны бар ис æрмæстдæр политикон партитæм (бæстæйы официалон æгъдауæй регист-рацигонд ахæм партитæ ис фондз). Хуыцаубоны изæрæй æппæт æвзарæн хайæдтæ дæр сæхгæдтой æмæ къамистæ райдыдтой хъæлæстæ нымайын. Æвзæрстыты кæронбæттæн бæрæггæнæнтæ фехъусын кæндзысты 10 боны æмгъуыдмæ.
Уæрæсейаг парламентаритæн уыд æвзарæн хайæдтæ бабæрæг кæныны, хицаудзинады оргæнты минæвæрттæ æмæ хуымæтæг адæмимæ аныхас кæныны фадат. Цæстдарæг къорды уæнгтæ сæ хатдзæгтæ афойнадыл фæхæццæ кæндзысты
бæстæйы Центрон æвзарæн къамис æмæ иннæ бæрнон ведомствæтæм.
Уæрæсейаг сенаторты делегацийæн разамынд лæвæрдта УФ-йы Федерацийы Советы наукæйы, ахуырад æмæ культурæйы комитеты сæрдары фыццаг хæдивæг Ильяс Умаханов. Мамсыраты Таймуразæй уæлдай цæстдарджыты къорды уыдысты сенатортæ Андрей Шевченко, Анатолий Артамонов, Ахмат Салпагаров æмæ Иринæ Рукавишникова.
СЛАНТЫ Аслан
