Национ культурæты фестиваль «Иудзинады мелоди» арæзт æрцыд Уæрæсейы адæмон иудзинады бæрæгбоны кадæн. Бæрæгбон ацыд Афицерты хæдзары Дзæуджыхъæуы æмæ æрæмбырд кодта, нæ республикæйы адæмыхæттыты бирæвæрсыг культурæимæ базонгæ кæнын кæй фæнды, ахæм бирæ дзыллæйы.
Фестивалы архайджытæ æмæ уазджытæн зæрдиаг арфæ ракодта РЦИ-Аланийы национ политикæ æмæ æддагон бастдзинæдты министр Бæгъиаты Алан.
Мадзалы сæ арæхстдзинад ирдæй равдыстой республикæйы национ-культурон иугондты алыхуызон жанрты архайæг артисттæ æмæ аивадон коллективтæ. Фестивальмæ æрбацæуджыты зæрдæтæ барухс кодтой хореографион æмæ вокалон номыртæй, авторон зарджытæй, кæфтытæй.
Мадзалы фæлгæты, нæ республикæйы цæрджытæй сæрмагонд æфсæддон операцийæн ахъаззаг æххуыс чи бакодта, уыдоны Адæмон фронты хæрзаудæн фонд «Æппæтдæр – уæлахизæн!»-ы риуылдаргæ нысантæй схорзæхджын кодта. Хæрзиуджытæ сын арфæйы дзырдтимæ ратта Бæгъиаты Алан.
ГАПБАТЫ Алетæ,
Татьянæ ШЕХОДАНОВАЙЫ ист къамтæ
