Нарты кадджытæ – сабитæн

0
57

Æрæджы Дзæуджыхъæуы рауагъдад «Перо и кисть»-ы мыхуыры рацыд чиныг «Нарты тыххæй энциклопеди».

Йæ фæрцы нæ рæзгæ фæлтæр базондзысты Нарты кадджыты сæйраг архайджытæ Æхсар æмæ Æхсæртæ-джы, Уырызмæг æмæ Сатанайы, Батрадз, Хæмыц, Агуындæ, Ацæмæз æмæ Сос-ланы, Сырдоны, Нарты алæмæты кувæн кæхц Уацамонгæйы тых, цард, сгуыхтыты тыххæй.

Чиныг мыхуыры рацыд Хуссар æмæ Цæгат Ирыстоны Ахуырад æмæ наукæйы министрадты, Дзæуджыхъæуы бынæттон хиуынаффæйады администрацийы культурæйы хайады, Уæрæсейы Фæсивæды цæдисы рауагъдад «Перо и кисть»-ы хъæппæрисæй. Чиныг у аив фæлгонцгонд. Фыст у æнцонæмбарæн æвзагæй.

Йе ‘рмæг цæттæгонд цыд, зындгонд ахуыргæндтæ Цыбырты Людвиг, Джыккайты Шамил æмæ журналист, этнограф, газет «Рæстдзинад»-ы раздæры бæрнон редактор Цгъойты Хазби Нарты кадджыты тыххæй цы мидисджын зонадон куыстытæ ныффыстой, уыдоны бындурыл.

Чиныг «Нарты тыххæй энциклопеди» æмæ рацахорæн (раскраска) ирон æмæ уырыссагау Нарты эпосы архайджыты тыххæй æмбарынгæнæн тексттимæ сывæллæттæм фæхæццæ лæвар.

 

ГАСАНТЫ Валери,
Хетæгкаты Къостайы номыл
Ирон литературæйы музейы
хистæр зонадон кусæг

ОСТАВЬТЕ ОТВЕТ

Please enter your comment!
Please enter your name here