Ленинград æрхъулайæ æххæстæй ссæрибар кæныны кадæн Цæгат Ирыстоны медицинон колледжы актон залы сбæрæг кодтой хуынд адæм, студенттæ æмæ ахуыргæнджытæ.
Арфæйы ныхæстимæ сæм фæсидт колледжы директоры хæдивæг хъомыладон куысты Гæхаты Лаймæ. Куыд фæбæрæг кодта, афтæмæй ацы историон цауæн ис ахсджиаг нысан, æппæт бæстæ дæр уæззау æвзарæнты уыдысты, æрхъулайы кæроныл æмхуызонæй æхсызгонæй сæмбæлдысты.
Ленинграды æрхъулайы уæвæг адæмы хъæбатырдзинады тыххæй студенттæн радзырдта хæстон цауты архайæг, булкъон, ветеранты советы сæрдар Гецаты Виктор. Уый колледжы студенттæн амоны Фыдыбæстæ хъахъхъæнын æмæ æдасдзинады бындуртæ, кадджын æмбырды архайджытæ ма федтой Ленинграды æрхъулайы тыххæй документалон киноныв.
Ныхасы ма архайдта 19-æм мотоæхсæн дивизийы хæстон-политикон цæттæдзинады инструкторы æххуысгæнæг, хæстон цауты ветеран Наталья Ракитянская. Æрыгæттæ æхсызгонæй бакастысты, ныртæккæ Цæгат Ирыстоны чи цæры, Ленинграды æрхъулайы уæвæг уæды сывæллæттæ – Галинæ Семенюк æмæ Галинæ Полторацкаяйы тыххæй видеокинонывмæ. Сылгоймæгтæ ныртæккæ дæр сты сæрæн, сæрмагонд æфсæддон операцийы архайджытæн æххуыс кæнынц.
Наталья Ракитянская дзырдта Фыдыбæстæйы Стыр хæсты рæстæг фашизмы тыххæй, ныры рæстæг æй куыд æмæ цы хуызы æвдисынц, сæрмагонд æфсæддон операцийы ахадындзинады тыххæй. Колледжæн балæвар кодта цалдæр чиныджы, семæ – медицинон атлас, сæрмагонд æфсæддон операцийы бынатæй ласт хæстон прибортæ.
Нæ уацхæссæг