Райгуырæн бæстæ хъахъхъæныны хъуыддаг нымад у алы фæлтæры ахсджиагдæр хæсыл.
Фæлтæрты бастдзинадæн, стæй, ныртæккæ нæ бæстæ чи хъахъхъæны, уыдонæн æххуысæн Фыдыбæстæ хъахъхъæнæджы азæн ис уæлдай стырдæр ахадындзинад. Сæрмагонд æфсæддон операцийы архайæг нæ хъæбатыр æмзæххонтæ сæхи æвдисынц нæ бæстæйы зынгзæрдæ патриоттæй. Йæ заманы зындгонд æфсæддон разамонæг Георгий Жуков загъта: «Фæсчъылдым нымад у уæлахизы æмбисыл».
Ныртæккæ сæрмагонд æфсæддон операцийы архайджытæн сæйраг фæсчъылдымыл нымад сты се ’рбаздæхтмæ æнхъæлмæкæсæг хиуæттæ, бинойнæгтæ. Цыфæнды кары дæр адæймаг йæ ныййарæджы æхсызгонæй æрымысы.
Алагиры районы Суададжы администрацийы сæргълæууæг Брытъи-аты Тамерлан сæрмагонд операцийы архайджыты ныййарджытæн кæй бацæттæ кодта, уыцы Бузныджы фыстæджыты фыст ис: «Сæрмагонд æфсæддон операцийы архайгæйæ, хъæбатырдзинад æмæ æхсар чи æвдисы, ахæм фырты схъомыл кæныны тыххæй уын Фыдыбæстæ хъахъхъæнæджы азы стыр бузныг зæгъæм æмæ уын сæрæй ныллæг кувæм. Æппæт адæмæн нæ зæрдæ зæгъы сабырдзинад, фæрныгад æмæ фидæныл æууæнк! Уæхи æмæ уæ хæстæджыты хъахъхъæнут!»
Алагиры районы
администраци
