Национ проект «Экологон фæрныгад»-мæ гæсгæ Цæгат Ирыстон дарддæр æххæст кæны дунеон акци «Номарæн цæхæрадон».
Алагираг ахуыргæнæг Баситы Чабæханы рухс ном аргæйæ, Алагиры районы хъæдгæстæ æмæ бархионтæ ныссагътой сырх тулдзы 850 талайы (1942 аз фашистон оккупацийы заман Чабæхан немыцаг æфсæддонтимæ æмгуыст кæныныл кæй не сразы, уый тыххæй йæ знæгтæ йæ бинойнæгтимæ иумæ фехстой).
Акцийы архайдтой Алагиры районы Хъæды хæдзарады, Мидхъуыддæгты хайады, Прокуратурæйы æмæ бæстæйы Æнæнхъæлæджы уавæрты министрады сæйраг цæгатирыстойнаг управленийы кусджытæ, стæй ахуырдзаутæ.
– Нæ фыдæлты сгуыхтдзинæдтæ рох кæмæй не сты, афæдзæй афæдзмæ проекты архайæг уыцы фæсивæды нымæц фылдæр кæны. Фыдыбæстæйы Стыр хæсты заман советон адæм кæй равдыстой, уыцы сгуыхтдзинадыл дзурæг акци фæлтæртæ кæрæдзиимæ бæтты. Райгуырæн бæстæйæн уд-
уæлдайæ чи лæггад кодта, ацы акци æххæст кæнæм Алагиры фыццæгæм скъолайы уырыссаг æвзаг æмæ литературæйы уыцы ахуыргæнæг Баситы Чабæханы ном ссарынæн, – зæгъы нæ республикæйы Æрдзон фæрæзтæ æмæ экологийы министрады хайады хицау Тыджыты Ингæ. Ацы аз акци æххæстгæнджытæ нæ республикæйы ныссадздзысты тулдзы, æнгузы, кæрз æмæ тæгæры 9000 талайæ фылдæр. Парахат экологон-патриотон акцийы сæйраг хæс у Фыдыбæстæйы Стыр хæсты заман фæмардуæвæг адæмы нæмттæ ссарынæн 27 милуан талайы ныссадзын.
РЦИ-Аланийы Æрдзон фæрæзтæ æмæ экологийы министрады пресс-службæ
