Мæскуыйы Третьяковы паддзахадон галерейы кадджын уавæры байгом æгас дунейы дипломатты сфæлдыстадон куыстыты равдыст «Краски мира».
Ам æвæрд æрцыдысты Хуссар Ирыстоны Минæварады кусæг Плиты Григори æмæ Республикæ Хуссар Ирыстоны сгуыхт нывгæнæг Гобозты Владимиры куыстытæ дæр.
Равдысты фенæн уыдис дипломатты 350 аивадон куыстæй фылдæр – Иран, Китай, Бразили, Аргентинæ, Ливан æмæ æндæр бæстæтæй.
Дипломаттæ-нывгæнджытæ сæ аивадон куыстыты равдыстой сæ бæстæты æрдзы рæсугъддзинад, культурæйы хъæздыгдзинад æмæ нывгæнджытæн сæхи сæрмагонд цæстæнгас цардмæ.
Равдыстæн йæ сæйраг хъуыды уыдис: дипломати æмæ аивад кæрæдзиимæ сты æнгом баст, уыдон сæйрагдæрыл нымайынц алы адæмты кæрæдзи
хуыздæр æмбарыны хъуыддаг.
ТАДТАТЫ Роксанæ
