Цæгат Ирыстоны хæдбарæйкусæг 1360 адæймаджы фидæны пенси исынæн Уæрæсейы Социалон фонды республикон хайадмæ æрвитынц фæдзæхстадон фиддонтæ.
Афоныл фыст фиддонтæ нымад æрцæудзысты иумæйаг стажы, стæй ацы фиддонты фæрцы
уыдзæн индивидуалон пенсион коэффициент бамбырд кæныны фадат. Фæдзæхстадон фиддонтæ фидынæн æмæ фидæны пенсийæн хæдбарæйкусæг адæймаджы хæс у æнæмæнг æххæстгæнинаг пенсион фæдзæхстады фæдыл барадон ахастдзинæдтæм барвæндонæй бацæуæг адæймаджы хуызы амынд регионалон хайады хи регистраци скæнын (ацы хъуыддаг сæххæст кæнæн ис портал «Госуслуги»-йы, хъалонфидæджы «Личный кабинет»-ы, науæд та – Социалон фонды цæгатирыстойнаг хайады клиентон службæты).
– Профессион æфтиаджы фæдыл хъалон чи фиды, хæдбарæйкусæг уыцы адæймæгтыл закъонмæ гæсгæ, æнæмæнг æххæстгæнинаг пенсион фæдзæхстады фæдыл фиддонтæ фидыны хæс æвæрд нæй (фæлæ æнæ уымæй кармæ гæсгæ фæдзæхстадон пенси сæвæрынæн хъæугæ
фæдзæхстадон стаж æмæ пенсион коэффициенттæ кæй нæ сæвзæрынц, уый уæ рох ма уæд). Хъæугæ стаж æмæ пенсион коэффициенттæ бамбырд кæнынæн адæймагæн ис фидæны пенси саразынæн барвæндонæй фæдзæхстадон фиддонтæ фидыны фадат, – зæгъы бæстæйы Социалон фонды цæгат-ирыстойнаг хайады разамонæг Милдзыхты Аслан.
Иу аз фæдзæхстадон стажмæ цæмæй бахæссой, уый тыххæй адæймаджы хæс у æхцайы бæлвырд бæрц барвитын. Зæгъæм, ацы аз 53658 сомы кæй бæрц у, къæлиндарон афæдзы дæргъы ахæм фидаргонд фæдзæхстадон фиддон фидыны рæстæг фæдзæхстадон стажмæ бахæсдзысты 12 мæйы. Ахæм фиддон 0,883 дæтты индивидуалон пенсион коэффициент (ИПК-йы). Ацы аз фæдзæхстадон фиддоны бæрц у 473932 сомы. Ацы æхцайæ ИПК-йы бæрц у 7,799.
Курдиат Социалон фонды регионалон хайадмæ афæдзы райдайæны кæд нæ барвыстой, уæд фиддоны бæрц сбæлвырд кæнынц афæдзы кæронмæ баззайæг къæлиндарон мæйты пропорцион нымæцмæ гæсгæ. Хæдбарæйкусæг адæймæгтæ фиддонты бæрц æмæ сæ фидыны афон сбæлвырд кæнынц хæдбарæй. Адæймагæн ис фиддонтæ афæдзы дæргъы хайгай, науæд та æппæт æхца уыцы-иу рæстæг бафидыны бар (фæлæ æхца 31 декабрæй фæстæдæр фыст куыд не ’рцæуой, афтæ).
Уæрæсейы Социалон фонды иумæйаг контакт-центр: 8-800-100-00-01 (телефонæй бадзурæн ис лæвар; регионалон хайады куысты фæтк: къуырисæрæй цыппæрæммæ – 9 сахатæй 18 сахаты онг, майрæмбоны та – 9 сахатæй 16 сахаты æмæ 45 минуты онг).
УФ-йы Социалон фонды цæгатирыстойнаг хайады пресс-службæ
