Æххуысхъуагдзинады иумæйаг иртасынад нымайгæйæ, Уæрæсейы Социалон фонды цæгатирыстойнаг хайад ныййарджытæй (сывæллоны хъомыл кæнынмæ райсджытæ, æвджидгæнджытæ) иуæн иумæйаг пособи сæвæры.
Æххуысхъуагдзинад иртасыны заман бинонты æфтиæгтæ æмæ сæ исбон банымайынц (æфтиæгты номхыгъдмæ æндæр социалон æххуыс æмæ фиддонтæ ма бахауæнт, зæгъгæ, закъонæвæрынад афтæ амоны).
Пособи æвæрыны заман кæй нæ нымайынц, ахæм æфтиæгтæ:
– æвджидгæнинаг сывæллæттæн хуымæтæджы хыгъдты проценттæ;
– фыст хъалонтæ;
– исбон балхæнынæн комкоммæ субсидитæ;
– курдиат кæуыл æрвитынц, уыцы сывæллæттæн раздæры æмгъуыды тыххæй фиддонтæ;
– сывæллоны дзæбæх кæнынæн иурæстæгон æххуыс;
– сахъат сывæллæттæм зилыны фæдыл фиддонтæ;
– социалон фидыды фæдыл фиддонтæ;
– ахуырады заман
æнахъомты фæллойадон архайдæй æфтиæгтæ;
– мобилизацигонд адæймæгты æфтиæгтæ æмæ æндæртæ.
Æххæст номхыгъд бакæсæн ис Уæрæсейы Социалон фонды сайты хайад «Гражданам» – «Семьям с детьми» – «Ежемесячное пособие в связи с рождением и воспитанием ребенка (Единое пособие)» – «Как оценивается нуждаемость семьи»-йы.
Æфтиæгты тыххæй бæрæггæнæнтæ нымайынц 12 мæйæн, фæлæ ацы æмгъуыд нымайын райдайынц курдиат барвитыны бонæй 1 мæй раздæр (адæймаг фиддоны фæдыл кæд апрелы бахатыд, уæд фароны мартъийæ ацы азы февралы онг æфтиæгтæ банымайдзыс-ты, зæгъгæ, амынд æууæл афтæ амоны). Бинонтæм фиддон райсыны бар ис æви нæй, уый сбæлвырд кæнынæн хыгъдгонд афæдзæн æппæт бинойнæгты æфтиæгтæ дыууадæс мæйыл æмæ бинойнæгты нымæцыл байуарын хъæуы. Бинойна-джы рæстæмбис æфтиаджы бæрц Цæгат Ирыстоны иу адæймагæн фæцæрынæн хъæугæ тæккæ къаддæр хæрдзты бæрцæй – ома, 15960 сомæй – фылдæр кæд нæу, уæд, æндæр æууæлтæ хынцгæйæ, иумæйаг пособи сæвæрдзысты.
Уæрæсейы Социалон фонды иумæйаг контакт-центр: 8-800-100-00-01 (телефонæй фæдзурæн ис лæвар; регионалон хайады куысты фæтк: къуырисæрæй цыппæрæммæ – 9 сахатæй 18 сахаты онг, майрæмбоны та – 9 сахатæй 16 сахаты æмæ 45 минуты онг).
УФ-йы Социалон
фонды цæгатирыстойнаг
хайады пресс-службæ
