Мæскуыйы, информацион агентад «ТАСС»-ы пресс-центры медицинон кусджытæн цы æппæт-уæрæсеон конференци уыд, уым профессион дæсныдзинад бæрзонддæр кæныны фарстатæй уæлдай, хыгъд æрцыдысты донорты дзыллон акци «Код донора. Защитники Отечества»-йы бæрæггæнæнтæ.
Конференцийы архай-джытæ уыдысты «Туджы службæ»-йы специалисттæ 72 уæрæсейаг регионæй. Уыдоны нымæцы – Цæгат Ирыстоны Тугисæн респуб-ликон станцæйы минæвæрттæ дæр.
Æмбырды архайджытæ хатдзæгтæ скодтой «Код донора. Защитники
Отечества» æмæ æндæр хæрзаудæн акцитæн. Сæрмагонд æфсæддон операцийы архайджытæ æмæ иннæ рынчын адæмæн туг раттыны сидтмæ не ’мбæстæгтæ уазал цæстæй нæ ракастысты, сæхицæн граждайнаг хæсыл банымадтой амынд акцийы архайæг суæвын…
Профилон федералон ведомствæты бæрæггæнæнтæм гæсгæ, фæстаг рæстæг донорты архайд ахадгæдæр кæны, фылдæр адæм здахынц се ’ргом ацы уæлдай ахсджиаг
хæрзаудæн æмæ социалон змæлды райрæзтмæ. Тыхст адæймаджы æнæниздзинад æмæ царды сæраппонд дæ тугæй лæвар фæхай кæнын – цы ма уа уымæй арфæйагдæр!
Æппæт уыцы фарстатыл зæрдиаг æмæ æнтыстджын архайды тыххæй хуыздæрты номхыгъды ранымадтой æмæ сæрмагонд хæрзиуæг саккаг кодтой Цæгат
Ирыстоны Тугисæн респуб-ликон станцæйы коллективæн.
КАЛМАНТЫ Аслан
