Цæгат Ирыстоны йæ тыхы бацыдысты фæззыгæндтæ æфснайыны куыстытæ. Раздæр уал бавнæлдтой Мæздæжы районы фæззыгæндтæм. Хорæфснайджыты архайдмæ йæ хъус дары республикæйы Хъæууон хæдзарады министрад.
Районмæ æрцыдыс-ты кусæг балцы, специалисттæ куыд фæбæрæг кодтой, афтæмæй æнхъæлмæ кæсынц дзæбæх тыллæгмæ. Гектарæй райсынвæнд кæнынц 40-45 центнеры. Цæгат Ирыстонæн зæххы куыст тынг ахсджиаг у, нæ бæстæйы æдасдзинады программæмæ республикæ йæ бавæрæн алы аз дæр бахæссы.
Национ проект «Хойра-джы æдасдзинады технологон ифтонгад»-мæ гæгсæ, бæстæйы агропромышленнон комплекс райрæздзæн. Цæгат Ирыстоны хъуамæ фæззыгæндты тыллæг бафснайой 50 мин гектарæй.
Нæ уацхæссæг
