Цæгат Ирыстонæй сенатор Виталий Назаренко дыууæ федералон закъоны проектты фæдыл кæм раныхас кодта, бæстæйы Федерацийы Советы федеративон арæзтады, регионалон политикæйы, бынæттон хиуынаффæйад æмæ Цæгаты хъуыддæгты комитеты уыд ахæм æмбырд.
Уæрæсейы Федерацийы Зæххы кодексмæ ивддзинæдтæ чи хæссы, парламентари ахæм закъонæвæрынадон фæндон фехъусын кодта.
– Адæймаджы æнæниздзинадæн æмæ алфамбылай æрдзæн знаггад чи кæны, ног федералон закъоны фæрцы уыдзæн æцæгæлон зайæгойты уыцы тæссаг хуызты хæлиукæнынадæй бæстæйы зæххыты хъахъхъæнынады къæпхæн фæуæлдæр кæныны фадат. Ацы закъон архайын райдайдзæн иннæ азы фыццæгæм мартъийæ фæстæмæ, – загъта Виталий Назаренко.
Бындурон исбоны уынаффæйады ахадындзинад фæфылдæр кæнынмæ æмæ, бæлвырдгонд кæй арæнтæ не сты, ахæм зæххы хæйтты нымæц фæкъаддæр кæнынмæ арæзт чи у, Цæгат Ирыстоны минæвар Федерацийы Советы бавдыста ахæм федералон закъоны проект дæр. Цæгатирыстойнаг сенаторы ныхасмæ гæсгæ, ацы закъонæвæрынадон фæндоны фæрцы уыдзæн Уæрæсейы бюджетон системæмæ цæуæг æфтиæгты бæрц фæфылдæр кæныны, пайдагонд кæмæй нæ цæуы, уыцы зæххы хæйттæй пайда кæнын райдайыны, стæй бындурон исбоны иумæйаг паддзахадон номхыгъды бæрæггæнæнтæ сбæлвырд кæныны фадат.
Виталий Назаренкойы æвдыст дыууæ закъонæвæрынадон фæндоныл сразы уæвгæйæ, комитеты уæнгтæ Федерацийы Советæн бахастой амынд федералон закъонтæ сфидар кæныны фæндон.
Æлборты Зæлинæ,
УФ-йы сенаторы æххуысгæнæг
