Уæрæсейы Фысджыты цæдис хъусын кæны, 2025 азы октябры горæт Краснодары Литературон дæсныдзинады скъола кæй кусдзæн, уый. Ныртæккæ сæрмагонд къамис исы курдиæттæ уыцы сфæлдыстадон форумы архайыны фæдыл.
Скъоламæ хуынд цæуынц Хуссайраг æмæ Цæгаткавказаг федералон зылдты регионты, Донецк æмæ Луганскы адæмон республикæты, Запорожье æмæ Херсоны облæстты æрыгон автортæ æмæ литературон сфæлдыстады иннæ архайджытæ.
Уыимæ, курдиатимæ бадæттын хъæуы хи сфæлдыстадон куыстытæ дæр ахæм номинациты: прозæ, поэзи, драматурги æмæ Уæрæсейы адæмты национ æвзæгтæй уырыссагмæ тæлмацтæ.
Скъолайы куысты арха-йыны фадат ис, 18 азæй 35 азы онг кæуыл цæуы, уыцы æрыгон литератортæн. Скъолайы программæйы уыдзысты мастер-класстæ, семинартæ, лекцитæ, фембæлдтытæ зындгонд фысджытæ æмæ тæлмацгæнджытимæ…
Форумы архайæг авторты хуыздæр куыстытæ мыхуыргонд æрцæудзысты сæрмагонд æмбырдгонды. Уыимæ, автортæ сæхæдæг та сæ ахуыртæ адарддæр кæндзысты Уæрæсейы Фысджыты цæдисы литературон скъола «Химки»-йы (уый кусдзæн 2025 азы ноябры).
Литературон дæсныдзинады скъолайы архайыны фæдыл æппæт фарстытæ дæр сбæлвырд кæнæн ис Уæрæсейы Фысджыты цæдисы официалон сайты фæрцы.
Нæ уацхæссæг
