Ахуырадон инфраструктурæйы объектты цалцæг æмæ арæзтады федералон программæ куыд æххæстгонд цæуы? Регионтæ цас цæттæ сты ног ахуыры азы райдайæнмæ? Ацы æмæ æндæр ахæм ахсджиаг фарстатыл ныхас уыд парти «Иугонд Уæрæсе» æмæ УФ-йы Рухсады министрады иумæйаг цæстдарæн штабы æмбырды.
– «Иугонд Уæрæсе»-йы минæвæрттæ алы регионы дæр сæ цæст дарынц, ахуырадон кусæндæтты арæзтад æмæ бындурон цалцæджы пълантæ куыд æххæстгонд цæуынц, уымæ. Уыцы архайд партийæн бахæс кодта Президент Владимир Путин, – йæ раныхасы бафиппайдта «Иугонд Уæрæсе»-йы Генералон советы секретарь Владимир Якушев.
Уый арфæ ракодта регионалон штабты уæнгтæн, ахуырадон кусæндæтты модернизацийы нысантыл бæрнонæй кæй кусынц, уый тыххæй.
– «Иугонд Уæрæсе», ныййарджытæ æмæ педагогон кусджытæ æппæт къæпхæнтыл дæр æнæзонгæ не сты, рацарæзты программæтæм цы объект-
тæ хаст æрцыд, уыдоны уавæримæ. Æмткæй райсгæйæ, куыстыты графиктæ афойнадыл æххæстгонд цæуынц. Абоны онг къухы цы бафтыд, уымæн хатдзæгтæ скæнгæйæ, бауынаффæ кæнын хъæуы хæстæгдæр азты нысантыл дæр. Ахуырады инфраструктурæйы дарддæры нывыладæн нырма бирæ хъуыддæгтæ саразын хъæуы, – загъта партийы бæрнон кусæг.
Рухсады министр
Сергей Кравцов куыд фехъусын кодта, афтæмæй амынд федералон прог-
раммæйы фæлгæты 2022 азæй нырмæ бæстæйы регионты арæзт æмæ бындурон цалцæггонд æрцыд 5,6 мин сколайы. «Азы кæронмæ цалцæггæнæн
куыстытæ æххæстгонд æрцæудзысты ноджыдæр ма 580 скъолайы. Уымæй уæлдай, 2030 азы онг бæстæйы регионты фæзындзысты ног 162 скъола æмæ 100 рæвдауæндонæй фылдæр», – фæбæрæг кодта министр.
Сергей Кравцов зæрдыл æрлæууын кодта, Президенты амынддзинадмæ гæсгæ, скъолайы агъоммæ ахуырады кусæндæттæ æмæ колледжты бындурон цалцæджы федералон ног программæ 2025 азы йæ тыхы кæй бацыд, уый дæр. «Ацы азы кæронмæ бындурон цалцæггонд æрцæудзысты 143 рæвдауæндон æмæ 78 колледжы. Хæстæгдæр азты дæр программæйыл архайд адарддæр уыдзæн», – радзырдта Сергей Кравцов.
Партион проект «Ног скъола»-йы регионалон координатор, Цæгат Ирыс-
тоны ахуырады министры хæдивæг Дзанайты Марк куыд зæгъы, афтæмæй бындурон цалцæджы программæмæ ацы аз хаст æрцыдысты республикæйы 30 скъолайы, 2 рæвдауæндон æмæ 3 колледжы. «Куыстыты графикты къуылымпытæ нæй. Иуæй-иу ахуырадон кусæндæтты цалцæг ныридæгæн ахицæн. Иннæ объекттыл
куыстытæ адарддæр уыдзысты. Уыимæ, уыцы æууæл ахуырадон процессыл нæ фæзындзæн», – фæбæрæг кодта координатор.
САНАТЫ Альбинæ
