Краснодары крайы Армавиры паддзахадон педагогон университеты райдыдта Хуссар Ирыстоны æвзонг техникты республикон станцæйы ахуыргæнджыты зонындзинæдтæ фæуæлдæр кæныны фæдыл программæмæ гæсгæ ахуырад.
Ахуырад æххæст кæнынц регионы сывæллæтты фыццаг технопарк «Кванториум» скусын кæнынæн специалистты бацæттæ кæныны фæткмæ гæсгæ.
Хуссарирыстойнаг педагогтæн арфæгæнгæйæ, амынд университеты ректор Евгений Нижник куыд загъта, афтæмæй программæ арæзт у ахуырдзаутимæ куыстæн хъæугæ практикон фæлтæрддзинад æмæ теорион зонындзинæдтæ баиу кæнынмæ.
Ахуырады фæткмæ гæсгæ, университеты дæсныдæр специалисттæ хуссарирыстойнæгтæн амонынц робототехникæ, æнæпилот тæхæн аппараттæ, 3D-моделарæзтад æмæ нымæцон программон уынаффæйадимæ тæрхтыл куыст. Педагогтæ инженерон модельтæ кæм æрæмбырд кодтой, ныронг ацыдысты робототехникæйæ фыццаг ахæм практикон ахуыртæ.
Информацион агентад «Рес»
