Цæгат Ирыстоны Сæргълæууæг Сергей Меняйлойы указмæ гæсгæ, иннæ аз нæ республикæйы чи ацæудзæн, регионы фыццаг вице-премьер Отарты Георги Архитектурæйы уыцы азмæ цæттæ кæнын райдайыны тыххæй хабар фехъусын кодта.
Архитектурæйы азы программæмæ бахастой наукон-историон конференци, фæсивæдон æмæ дунеон архитектурон форумтæ, арт-фестиваль, равдыстытæ, лекцитæ æмæ экскурситæ. Аивадон скъолаты студентты куыстытæ дæр фенæн кæм уыдзæн, нæ республикæйы хъæууон районты фæзындзысты ахæм цæугæ равдыстытæ.
Æхсæнадон тыгъдадты рацарæзты фæдыл хи фæндæттæ бахæссыны фадат кæмæн уыдзæн, уæлдай фылдæр æргом аздахдзысты ахæм æрыгон архитекторты конкурстæм. Уымæй уæлдай, ныхас Ирыстоны динон бæстыхæйттыл æмæ дæсны архитектортыл кæм цæудзæн, рауадзынмæ хъавынц нæ регионы арæзтад æмæ архитектурæйы историйы тыххæй ахæм чиныг. Дзыллон мадзæлтты архайынмæ æппæт Уæрæсейæ специалистты æрбахондзысты.
«Ир-Информ»
