РЦИ-Аланийы Хицауады Сæрдар Дзанайты Барис архайдта Паддзахадон советы дæлкъамисы æмбырды. Баст уыд Уæрæсейы хицæн регионты социалон-экономикон тагъдрæзтæн фадæттæ саразыны фарстатимæ.
Æмбырд амыдта Псковы облæсты губернатор Михаил Ведерников. Хъуыддæгтæ бабастой «Экономикæ æмæ финанстæ»-йы рахæцæнимæ. Видеоконференцийы хуызы ныхасы архайдтой федералон министртæ, регионты разамонджытæ, æхсæнадон организациты æмæ хъуыддаджы минæвæрттæ.
Рæгъмæ рахастæуыд бюджетты ‘хсæн ахас-тытæ хуыздæр кæныны, проектты хæрдзты документты финансон бындуртæ, чысыл амалхъомадæн æххуысы æмæ туризмы рæзты нысантæ. Алы фарстайы тыххæй дæр Михаил Ведерников рахаста ныллæг бюджетон æфсисадимæ регионтæн ахадгæ фæндæттæ. Регионты разамонджытæ дæр сæ хъуыдытæ загътой.
Ныллæг бюджетон æфсисадимæ регионты социалон-экономикон уавæртæ банывыл кæныны тыххæй æмбырд амонæг æрхаста бæлвырд дæнцæгтæ: «Ацы уавæрты нæ фæнды, цæмæй дотациты иумæйаг бæрцыл бафта, регионтæ схизой æмбæлгæ æмвæзадмæ. Нымайын хъæуы сæ хъомыс æмæ инфляцийы арæзт. Дотацитæ къаддæргæнæн нæ уыдзæн».
Михаил Ведерникон бузныджы ныхæстæ загъта, хъалонты хъомыс нымайгæйæ, нефтепродуктты акцизтæ 2026 азæй иуварсгонд кæй æрцæудзысты, уый тыххæй. Бæлвырд ныхас бацахста, социалон æмæ цæрæнуатон-коммуналон инфраструктурæйы объекттæн проектон хæрдзты документацитæн фæрæзтæ федералон бюджеты фæрцы дæттыны фарста. Уый руаджы ныллæг бюджетон æфсисадимæ регионты бюджеттæ сæ хæрдзтæ ратдзысты социалон ахадындзинадимæ æндæр куыстуæттæн.
Цæгат Ирыстоны фæзынд уыцы хæрдзтæ федералон бюджеты фæрцы кæныны, фадат. Уый руаджы 28 объекты хъæугæ документтæ бацæттæ кодтой. Алы нысаны тыххæй дæр рахастой регионтæн баххуыс кæныны уынаффæтæ.
РЦИ-Аланийы
Сæргълæууæг
æмæ Хицауады
пресс-службæ
