Бюджеты проекты адæмон программæ æххæст кæнынæн æхцайы фæрæзтæ радих кæныныл архайдзæн парти «Иугонд Уæрæсе».
Адæмон программæмæ хауынц социалон хæстæ, бæстæ хъахъхъæныны фæрæзтæ, национ нысантæ.
– Кæд бæстæ æнцон уавæры нæй, уæддæр адæмы фæндæттæм гæсгæ, партион сæйраг гæххæттыты цы уагæвæрдтæ ис, уыдон æххæст кæнын парти нæ аивдзæн, – загъта программон къамисы æмбырды «Иугонд Уæрæсе»-йы Сæрдар Дмитрий Медведев. Уым архайдтой адæмон программæйы фæндæгты координатортæ æмæ федералон минист-рады минæвæрттæ.
«Адæмон программæйы нысангонд цы химæрайст хæстæ æрцыдысты, уыдон парти дарддæр æххæст кæны нысангонд æмгъуыдтæм æмæ æнæхъæнæй. Сæ сæххæст кæнынæн ныры онг федералон бюджетæй дихгонд æрцыд 17 триллион сомæй фылдæр», – бафиппайдта уый.
Йæ ныхæстæм гæсгæ, уыцы архайды сæйрагдæр æнтыстдзинæдтимæ сты ахуырад æмæ æнæниз-дзинад хъахъхъæнынады инфраструктурæты егъау модернизаци. Ацы азы кæронмæ цалцæггонд æмæ арæзт æрцæудзæн 9,5 мин скъолайы æмæ рæвдауæндоны, 14 минæй фылдæр фелсырон пункттæ, амбулаторитæ æмæ поликлиникæтæ. Ног программæмæ гæсгæ, капиталон цалцæг кæнын райдыдтой рæвдауæндæттæ, астæуккаг профессионалон ахуырады уагдæттæ æмæ æмдзæрæнтæ. Горæты хæрзвадатгонд æрцыдысты 76 мин æхсæнадон бынæттæ æмæ кæртытæй фылдæр. Хъæуты модернизацигонд æрцыдысты 2 мин Культурæйы хæдзарæй фылдæр.
Регионты райдыдтой коммуналон инфраструктурæ фæхуыздæр кæныны программæ æххæст кæнын. Дарддæр цæуы хæдзæрттæм газ бауадзыны куыст.
«Иугонд Уæрæсе» стыр куыст бакодта хицæн граждæнтæн комкоммæ баххуысы хъуыддаджы. Уыдонмæ хауынц социалон контракттæ, сывæллонджын æмæ бирæсывæллонджын бинонтæн иухаттон пособитæ æмæ ипотекæты æххуыс, инвалидты реабилитацийы программæтæ, фонд «Круг добра», кæй кæны, уыцы æххуыс хостæй стæм хатт æмбæлгæ низтæй рынчын сывæллæттæн.
Уымæй уæлдай, иуда-дзыг индексацигонд цæуынц бюджеты кусджыты мызд, пенситæ æмæ социалон фиддонтæ, ныййарæджы капитал.
Нæ парти уæлдай æргом здахы сæрмагонд æфсæддон операцийы архайджытæ æмæ сæ бинонтæм. Уырдæм хауынц комплексон реабилитаци æмæ сын куысты бынæттæ ссарын, цы льготæтæ сæм хауы, уыдон æмæ æндæр фарстаты сын æххуыс кæнын», – загъта Дмитрий Медведев.
Парти иудадзыгдæр архайы, бæстæйы сæйраг документ куыд цæттæгонд цæуы, уым.
Хицауады цæттæгæнæн проектæй Паддзахадон Думæйы онг иудадзыгдæр хъахъхъæны, адæмон программæмæ цы статьятæ хауы, уыдон.
Партийы Генералон Советы нымæрдар Владимир Якушев фехъусын кодта, зæгъгæ, «Иугонд Уæрæсе»-йы адæмон программæйы ис ахæм къабæзтæ, æмæ сын бюджеты сæ финанстæ æппындæр къаддæргæнæн нæй. Уыдонмæ хауынц скъолайы цалцæг æмæ социалон газификаци – уыдоны тыххæй уынаффæтæ хаст æрцыд æргомæй партион съездты.
Уæрæсейы Федерацийы финансты министр Антон Силуанов куыд бацамыдта, афтæмæй федералон бюджеты проектмæ ныридæгæн хаст æрцыдысты адæмон программæйы уагæвæрдтæ.
«Фидар бинонтæ»-йы къабазы ныййарæджы капитал индексацигонд æрцыд инфляцийы æмбæрц – 6,8 проценты.
Ногдзинад хаст æрцыд фидæны бюджетмæ дыууæ æмæ фылдæр сывæллæттæ цы ныййарджытæн ис, уыдонæн сæ куысты æрвылаз дæр лæвæрд цæудзæн бинонты хъалонты фиддонтæ. 2026 азы уыцы хъуыддæгтæн нысангонд æрцыд 120 миллиард сомы», – загъта уый.
Уымæй уæлдай, «Иугонд Уæрæсе» 2026-2028 азты бюджеты проекты снысан кодта 2091 скъолайы сцалцæг кæнын. Æдæппæт фондз азмæ сцалцæг кæндзысты 9,3 мин скъолайы. Президенты уынаффæмæ гæсгæ,программæмæ бахаудзыс-ты колледжтæ æмæ рæвдауæндæттæ – иннæ азæн фæрæзтæ нысангонд æрцыд 1150 рæвдауæндон æмæ 832 профессион ахуырады 832 агъуыстæн.
Тæвд хæринаг дæтдзыс-ты кæстæр кълæсты 6,9 милуан ахуырдзауæн,
милуан ахуыргæнæджы бæрц райсдзысты уæлæмхасæн мызд къласæн
разамынды тыххæй.
Партийы регионалон хайады нымæрдары хæдивæг Едзойты Марат куыд бафиппайдта, афтæмæй нæ республикæйы «Иугонд Уæрæсе»-йы адæмон программæ æххæстгонд цæуы цалдæр къабазæй.
«Уыдонмæ хауынц ахуырады уагдæтты ног арæзтæдтæ æмæ капиталон цалцæг, горæтты алфамбылайтæ хæрзвадат кæнын, хæдзæрттæм дарддæр газ бауадзын. Сæрмагонд æфсæддон операцийы архайджытæ æмæ ног регионты цæрджытæн æххуыс», – фæбæлвырддæр кодта уый.
Адæмон программæмæ гæсгæ арæзт цæуынц ног социалон объекттæ, модернизацигонд цæуынц посты хайæдтæ, цалцæггонд цæуынц хъæуты культурæйы хæдзæрттæ. Сæйраг æргом здæхт цæуы хистæр кары адæмæн æххуысмæ æмæ фæсивæды рæзтæн хæрзвадат уавæртæ аразынмæ.
Санаты Альбинæ
