РЦИ-Аланийы премьер-министр ДЗАНАЙТЫ Барис арфæтæ ракодта Дзæуджыхъæуы А.В. Луначарскийы номыл 5-æм гимназы разамынд æмæ коллективæн, ахуырадон кусæндоныл 145 азы кæй сæххæст, уый фæдыл.
Цæгат Ирыстоны Сæргълæууæг Сергей Меняйло æмæ йæхи номæй зæрдиагдæр фæндиæгтæ Дзанайы-фырт фæхæццæ кодта гимназы кусджытæ æмæ ахуырдзаутæм.
– Фæндзæм гимназ алкæддæр зындгонд уыд йæ бирæ хъуыстгонд рауагъдонтæй – уыдон аккаг æвæрæн хастой æмæ хæссынц куыд республикæйы, афтæ æппæт бæстæйы дарддæры райрæзтмæ дæр. Гимназы коллективæн абон дæр йæ къухы æфты раззагдæр ахуырадон кусæндæтты номхыгъды уæвын. Уыцы æнтыстæн йæ сæйрагдæр рахæцæн у коллективы бæрзонд профессион дæсныдзинад æмæ фæлтæрддзинад, – йæ арфæйы ныхасы бафиппайдта Хицауады Сæрдар.
Дзанайты Барис гимназæн балæвар кодта Хетæгкаты Къостайы фæлгонцимæ ныв (йæ автор у Уæрæсейы Нывгæнджыты цæдисы уæнг Сергей Филатов).
Фысымты номæй бузныг загъта гимназы директор Маринæ Кулишкина. Уый йæ раныхасы фæбæрæг кодта, гимназ, стæй республикæйы æппæт ахуырадон кусæндæттæ дæр иудадзыгдæр сæхиуыл кæй æнкъарынц регионы разамынды аудынад, уый.
РЦИ-Аланийы
Сæргълæууæг
æмæ Хицауады
пресс-службæ
