Цæгатирыстойнаг, гвардийы лейтенант, 7-æм парашютон-десантон дивизийы 108-æм парашютон-десантон полчъы сгарæг взводы командир, Мæрзойты Василийы йæ амæлæты фæстæ бавдыстой Уæрæсейы Хъæбатыры номмæ.
Фæмард, йæ хæстон хæстæ æххæстгæнгæйæ Запорожьейы ’рдыгæй. Васили уыд Хуссайраг хæстон зылды 18-æм иумæйаг æфсады командир Мæрзойты Аркадийы фырт æмæ Мæрзойты Станиславы æфсымæры лæппу. Станислав дæр хъæбатырæй фæмард йæ хæстон хæстæ æххæстгæнгæйæ.
Мæрзойты Васили дæр йæ сабидугæй сфæнд кодта йæ цардвæндаг хæстон хъуыддагимæ сбæттын, равзæрста йæ фыды фæндаг. Уарзта йæ ныййарджыты, йæ хиуæтты, уыд лæгдзинадæй æххæст – афтæмæй йæ бахъуыды кæндзысты йæ хæстон æмбæлттæ, чидæриддæр æй зыдта, уыдон.
