Цæгат Ирыстоны царды цæуын райдыдта ахадгæ патриотон проект – нæ республикæйы хæстон намысы бынæттæм скъоладзаутæн лæвар культурон-рухсадон экскурситæ аразын. Уыцы мадзæлтты фæрцы сывæллæттæ хуыздæр зондзысты нæ бæстæйы раздæр азты ахсджиагдæр æмæ зынгæдæр историон цаутæ, сæ зондахасты аккаг бынат ахсдзысты Фыдыбæс-тæмæ уарзондзинад, патриотизмы æнкъарæнтæ, бæрнондæр цæстæй кæсдзысты бинонты царды бæллиццагдæр æгъдæуттæ æмæ традицитæм.
Проект царды уадзы «Уæрæсейы культурæйы фонд» нæ бæстæйы Культурæйы министрады æххуысæй. Арæзт цæуы национ проект «Бинонтæ»-йы федералон проект «Бинонты хæзнатæ æмæ культурæйы инфраструктурæ»-йы фæлгæты.
Нæ республикæйы скуыста Цæгат Ирыстоны Ахуырад æмæ наукæйы министрады сабитæ æмæ фæсивæды туризм æмæ экскурситы центры хъæппæрисæй. Йæ программæ уыдзæн уæрæх æмæ бирæкъабазджын, архайдзысты дзы иу мин
ахуырдзауæй фылдæр, сараздзыс-ты сын ссæдз бæстæзонæн æмæ
патриотон экскурсийы.
Ацы проекты ахадындзинад у абон уæлдай ахсджиаг, уымæн æмæ 2025 у Фыдыбæстæ хъахъхъæнæджы аз. Дызæрдыггаг нæу, уæлдæр кæй тыххæй загътам, уыцы экскурситæ ахуырдзауты æвзонг зæрдæты зынгæ фæд кæй ныууадз-дзысты, бирæ рæстæг сæ кæй нæ ферох кæндзысты, уый.
Ахæм ахсджиаг мадзæлтты фæрцы рæзгæ фæлтæр хуыздæр æмбардзысты æмæ зондзысты Райгуырæн бæстæйы истори, гуырын æм кæндзысты уарзондзинад.
Нæ уацхæссæг
