Æрæджы нæ бæстæйы адæм бæрæг кодтой Политикон репресситы бахауæг адæмы бон. Уыцы зæрдылдарæн цауы нысанæн Дзæуджыхъæуы Хетæгкаты Къостайы номыл Ирон литературæйы музейы арæзт æрцыд, ивгъуыд æнусы 30, 40, 50 азты репресситы чи бацарæфтыд, Ирыстоны уыцы фысджытæ æмæ аивады архайджыты мысæн изæр.
Йæ саразыныл бацархайдтой Ирон литературæйы музейы разамонæг Бдайциаты Земфирæ, хистæр зонадон кусджытæ Цхуырбаты Сергей, ацы рæнхъыты автор æмæ нæ республикæйы Фысджыты цæдисы разамынд. Æрбацыдысты йæм æхсæнадон архайджытæ, зонадон, сфæлдыстадон, рухсадон интеллигенцийы минæвæрттæ, политикон репресситы амæттæгты республикон ассоциацийы раза-
мынд æмæ уæнгтæ, репрессигонд ирон фысджытæ æмæ аивады кусджыты хиуæттæ, музейтæ æмæ библиотекæты кусджытæ, студенттæ, скъоладзаутæ, чиныгкæсджытæ æмæ аивадуарзджытæ.
Мысæн изæры бæстон æмæ мидисджын ныхас цыд нæ литературæ æмæ аивады зыдгонд архайджытæй репресситы бахауæг Барахъты Гино, Малиты Георги, Фæрнион Къоста, Илас Æрнигон, (Тогызты Газакк), Къосыраты Сæрмæт, Дзесты Куы-
дзæг, барады зындгонд кусæг Барахъты-Калоты Еленæ, Ирон паддзахадон драмон театры раздæры директор, зындгонд партион æмæ æхсæнадон архайæг Сæлбиты Хъамболат æмæ нæ иннæ намысджын фырттæ æмæ сылгоймæгты цард, сфæлдыстадон, рухсадон бирæвæрсыг архайдыл. Мысæн изæры мидисджын æмæ æнкъарæнджын ныхас ракодтой РЦИ-Аланийы Национ музейы хайады сæргълæууæг, историон наукæты кандидат Козаты Петр, ассоциаци «Номарæн»-ы сæрдары хæдивæг Хъайтыхъты Тамарæ, нæ республикæйы Фысджыты цæдисы сæрдары хæдивæг, зындгонд прозаик Цомартаты Изæтбег, музейы хистæр зонадон кусæг Цхуырбаты Сергей, фæллойы ветерантæ Хъыбызты Марæ æмæ Фæрниаты Сулейман.
Дзæуджыхъæуы Хетæгкаты Къостайы номыл 13 астæуккаг æмæ Ногиры 2 астæуккаг скъолаты ахуырдзаутæ аив бакастысты Малиты Георги æмæ Барахъты Гинойы æм-
дзæвгæтæ. Сæ уацмыстæм гæсгæ сын равдыстой сценикон нывтæ дæр.
Цæгат Ирыстоны паддзахадон филармонийы вокалон ансамбль «Уацамонгæ»-йы курдиатджын лæппутæ æмæ чызджытæ азарыдысты ирон фыдæлтыккон æмæ Малиты Георгийы æмдзæвгæтыл фыст зарджытæ.
Хетæгкаты Къостайы номыл Ирон литературæйы музейы зонадон кусджытæ ма бацæттæ кодтой репрессигонд ирон фысджытæ æмæ аивады дæсныты, зонады архайджыты цард, сфæлдыстадон, рухстауæн архайдыл дзурæг къамтæ, чингуытæ æмæ хъуыддаджы гæххæттыты мидисджын равдыст.
ГАСАНТЫ Валери, Хетæгкаты Къостайы номыл Ирон литературæйы музейы
хистæр зонадон кусæг
