Национ наукон библиотекæйы республикæйы Сæргълæууæг Сергей Меняйло фембæлд патриотон клуб «Фыдыбæстæ»-йы æвзонг уæнгтимæ.
Архайдтой дзы РЦИ-Аланийы ахуырад æмæ наукæйы министр Алыбегты Эллæ, национ хъуыддæгтæ æмæ æддагон бастдзинæдты министр Бæгъиаты Алан, культурæйы министр Гуыдиаты Батрадз, клубы разамонæг Хъарданты Тимур,
Дзæуджыхъæуккаг епархийы, Пысылмон дины управленийы минæвæрттæ.
Ныхас бацахста историон цаутæ зæрдыл дарыны, Адæмы иудзинады бæрæгбоны ахадындзинад æмæ фыдыбæстаг историйы ахсджиагдæр цаутæ. Сергей Меняйло æрбацæуæг адæмæн раарфæ кодта Адæмы иудзинады боны фæдыл. «Ацы бæрæгбон æвдисы нæ адæмы иудзинад. Мах цæрæм бирæнацион республикæйы, йæ бындуры та æвæрд сты сабырдзинад æмæ кæрæдзийæн аргъ кæнын. Нæ традицитæ, культурæ, истори нæ иу кæнынц, цавæрфæнды фæлварæнты сæрты дæр ахиздзыстæм», – загъта Сæргълæууæг.
Уымæй уæлдай ма Сергей Меняйло бузныджы ныхæстæ загъта ныййарджытæн, ахæм хъомылад сæ кæстæртæн кæй раттой, алыхуызон адæмыхæттытæм, кад сын кæнгæйæ, кæй кæсынц, уыдæтты тыххæй. Сывæллæттæ та радзырдтой æмдзæвгæтæ ирон, уырыссаг, кæсгон, даргинаг, гуырдзиаг, чувашаг, башкираг, грекъаг, молдоваг, араббаг æвзæгтыл. Алы сывæллон дæр РЦИ-Аланийы Сæргълæууæг Сергей Меняйлойæ райста зæрдылдарæн лæвæрттæ.
РЦИ-Аланийы
Сæргълæууæг
æмæ Хицауады
пресс-службæ
