Республикæ Цæгат Ирыстон-Аланийы Парламенты депутатты номæй уын зæрдиаг арфæ кæнын ирон адæмы ахадгæдæр æмæ кадджындæр бæрæгбæттæй иу – Джеоргуыбайы фæдыл!
Нæ республикæйы бирæнацион адæмы иу бинонтау чи æрбангом кæны, уыцы бæрæгбонæн ис стыр удварнон хъомыс, уый ма нын иу хатт нæ зæрдыл æрлæууын кæны, Райгуырæн зæхх уарзын, дæ адæмы историйæн аргъ кæнын, хистæртæн кад кæнын, бинонты сабыр цард хъахъхъæнын – табуйаг миниуджытæ кæй сты.
Уастырджи – Лæгты дзуары бæрæгбон фыдæлтыккон куырыхон æмæ рæсугъд æгъ-
дæутты фæрцы фæлтæрæй-фæлтæрмæ цæуы. Ацы бæрæгбон у нæлгоймаджы сæйрагдæр нысаниуæг – Фыдыбæстæ хъахъхъæнæг, бинонтæ æмæ кæстæртыл аудæг уæвыны цæвиттон. Къуырийы дæргъы алкæцы ирыстойнаг хæдзары дæр кувдзысты Уастырджимæ, курдзысты дзы, цæмæй йæ рахиз базыры бын дара, Уæрæсейы хæдбардзинад æмæ национ интересты сæрвæлтау карз тохы чи бацыд, уыцы хæстонты, æххуысгæнæг сын уа уæлахизимæ сæ хæдзæрттæм сыздæхыны хъуыддаджы.
Зынаргъ æмзæххонтæ! Дунейы фарн зæгъæд, цæмæй ноябры ацы рæсугъд бонтæ алкæцы хæдзармæ дæр хæссой сабырдзинад, амонд, царды ныфс!
Арфæгонд ут æмæ уæ бæрæгбоны хорзæх уæд, Ирыстоны цæрджытæ!
ТУСКЪАТЫ Таймураз,
Республикæ Цæгат Ирыстон-Аланийы Парламенты Сæрдар
