Онкологон низтæй фæрынчын уæвынæй кæуыл гуырысхо кæнынц, Цæгат Ирыстоны цæрæг уыцы адæмæн ис дохтырмæ хи æнæрадæй ныффыссыны фадат.
Регионы æнæниздзинад хъахъхъæнынады минист-ры хæстæ рæстæгмæ æххæстгæнæг Митциты Астан бафыста æмбæлгæ уынаффæ.
«Нырæй фæстæмæ рынчынтыл регистратурæмæ комкоммæ бацæуын æмæ рады лæууыны хæс æвæрд нæ уыдзæн. Адæймагæн уыдзæн телефон æмæ электронон сервисы фæрцы специалистмæ хи ныффыссыны фадат. Низы фæзындыл чи
фæгуырысхо, уыцы адæймагæн цыбыр рæстæгмæ, хæдзарæй нæ рацæугæйæ, хъæугæ специалистмæ – терапевт, хирург, кæнæ онкологмæ – талон райсыны фадат цæмæй уа, ууыл архайæм», – фыссы Митцийы-фырт йæ телеграм-каналы.
Йæ ныхасмæ гæсгæ, биноныг диагностикæ-йæн фадæттæ аразыны
хъуыддагмæ нæ республикæ стыр æргом здахы.
– Онкодиспансеры ифтонггæрзтимæ баст уавæр зонæм. Магнитон-резонансон æмæ компьютерон терапийы аппараттæ куыд цалцæг кæнынц, уымæ комкоммæ уагæй цæст дарын. Ацы ифтонггæрзтæ рæхджы цæмæй скусой, уый тыххæй агурæм æхцайæ ифтонгады уæлæмхасæн гуырæнтæ, – зæгъы Митциты Астан.
Нæ уацхæссæг
