2025 азы Дзæуджыхъæуы фæлгонцадон куыстытæ æххæстгонд æрцæудзысты 18 æхсæнадон фæлладуадзæн тæлмы. Уыимæ, уыдонæй 16 объектыл нысангонд куыстытæ ныридæгæн ахицæн кодтой.
Ахæм нымæцтæ фехъусын кодта Цæгат Ирыстоны сæйраг горæты администрацийы пресс-службæ.
Администрацийы минæвары ныхасмæ гæсгæ, бындурон цалцæджы пълантæ аразгæйæ, хыгъд цыдысты бынæттон цæрджыты фæндæттæ дæр.
Хъесайы-фырты уынджы Терчы былгæрон фæлладуадзæн тæлм, Галковскийы, Куйбышевы æмæ иннæ уынгты сквертæ æмæ иннæ æхсæнадон бынæттæ раздæрау сæ хуыз скалдтой: рафидыдтой ног къæйдур æмæ асфальтæй, аив бандæттæ æмæ цырæгътæй…
Цалцæггæнæн куыстытæ ма цæуынц Шмулевичы уынджы фæлладуа-
дзæн тæлм æмæ инæлар Плийы-фырты цыртдзæвæны алыварс фæзуаты.
Фæлгонцадон куыстытæ æххæстгонд цæуынц национ проект «Инфраструктурæ цардæн»-ы фæлгæты.
Æмткæй райсгæйæ, 2019 азæй нырмæ Дзæуджыхъæу æмæ республикæйы районты рацарæзтой 200 æхсæнадон фæлладуадзæн фæзуатæй фылдæр.
Нæ уацхæссæг
