Цæгат Ирыстоны цæрæг æнæниздзинады цыбыргонд гæнæнтимæ адæймæгтæн чи æххуыс кæны, Инвалидты дунеон бон политикон парти «Иугонд Уæрæсе»-йы регионалон хайад уыцы бархионтæн хæрзиуджытæ радта.
Партийы проектмæ регионы цæстдарæг, нæ республикæйы Парламенты депутат Цæллагты Жаннæ бархионтæн сæ ахадгæ куысты тыххæй раарфæ кодта.
– Æнæниздзинады цыбыргонд гæнæнтимæ адæймæгтæн æххуысгæнæг бархионты куыст у иттæг ахсджиаг. Ахадгæ куыст æххæстгæнæг ацы зæрдæхæлар бархионтæн бузныг зæгъын. Бархионтæ стыр æргом здахынц физикон зындзинæдтыл æмбæлæг адæймæгтæм. Æххуысхъуаг адæймæгтæ нæ фарсмæ кæй цæрынц, Инвалидты бон нын уый ноджыдæр ма иу хатт нæ зæрдыл лæууын кæны, – загъта депутат.
Бархионтæн хæрзаудæндзинады тыххæй радтой арфæйы фыстæ-
джытæ.
Фиппаинаг: æнæниздзинады цыбыргонд гæнæнтимæ адæймæгтæн æххуыс нымад у политикон парти «Иугонд Уæрæсе»-йы адæмон программæйы ахсджиагдæр къабæзтæй иуыл.
Санаты Альбинæ
