Нырыккон медицинæ æмæ фармацевтикæйы æппæт ивддзинæдтæ æхсæнады цард æмæ æнæниздзинады ахсынц ахсджиаг бынат.
Медицинæйы æнтыстытæ афтæ стыр сты, æмæ бар дæттынц адæймаджы буары арф æмбæхст авналæнтæ раиртасынæн. Нæ бæстæйы медицинон наукæйы рæзт цæуы куыд зонадон æмæ практикон центрты, зонадон-иртасæн институтты, афтæ ма алыхуызон уæлдæр скъолаты бындурыл.
Хетæгкаты Къостайы номыл Цæгат Ирыстоны паддзахадон университеты ахуыргæндтæ архайынц «клеткæты» терапийы куыст раиртасыныл. Уый руаджы нырыккон медицинæйы райрæзт æнтысы.
Нæ университеты ахуыргæндтæ, семæ – биологон зонæдты кандидат Игорь Николаев æмæ йе ‘мкусджытæ æнæсцухæй кусынц алыхуызон низтæ дзæбæх кæныны тыххæй зайæгойтæй хостæ саразыныл. Сæ куыстæн æрмæг цы зайæгойтæй райсынц, уыдон сын æрбаласынц Никитскийы ботаникæйы цæхæрадонæй.
ЦИПУ-йы наукон архайды проректор Тенгиз Тиникашвили куыд зæгъы, афтæмæй нæ университеты ахуыргæндты иртасæнты руаджы тагъд рауадздзыс-ты атеросклерозы ныхмæ хос фитокапсулæты хуызы. Æрæджы ЦИПУ-йы биологтæн бантыст нæ регионы хъуынайы ног хуыз раиртасын. Нæ ахуыргæндты раиртæст аивта Кавказы æрдзы æмбарынад. Ныр биологийы студенттæ университеты лабораториты сæ ахуыргæнджытимæ стыр цымыдисимæ ахуыр кæнынц ацы æнахуыр хъуынайы хуыз.
Ацы аз зæрдæвæрæны мæйы нæ республикæ Бетъырбухы паддзахадон технологон институтимæ бафыста бадзырд. Уымæ гæсгæ ЦИПУ æмæ СППТИ-йы ‘хсæн райрæздзысты иумæйаг ахуырадон æмæ зонадон проекттæ. Уымæй уæлдай ма æххуыс кæндзысты курдиатджын фæсивæдæн дæр.
Хетæгкаты Къостайы номыл Цæгат Ирыстоны паддзахадон университеты органикон химийы кафедрæйы ахуыргæнæг Магкойты Таймураз йæ проектимæ архайдта Уæрæсейы Наукæйы фонды ерысы æмæ райста грант. Ерысмæ балæвæрдтой 1700 курдиатæй фылдæр.
ЦИПУ-йы минæвар Магкойты Таймураз иртасы фураны ног баиугæндтæ райсыны мадзæлттæ. Зæгъын хъæуы уый, æмæ ацы буаргъæдæй ныр пайда кæнынц фармацевтикæйы, цæмæй карз низы ахæсты бахауæгæн йæ рæсыдтыты ныхмæ хостæ арæзт æрцæуой. Чи зоны, æмæ ЦИПУ-йы æрыгон ахуыргонды раиртæстыты руаджы микробтæ æмæ бактериты ныхмæ дæр
буаргъæдтæ конд æрцæу-дзысты.
Милдзыхты Аэлитæ, филологон зонæдты кандидат
