Дзæуджыхъæуы Промышленнон районы тæрхондон йæ уынаффæ сфидар кодта, дыккаг хатт нозтджынæй хæдтулгæйы рулыл чи бабадт æмæ фæндаггон инспектортæ горæты астæу кæй баурæдтой, уыцы бынæттон цæрæджы ныхмæ арæзт уголовон хъуыддаджы фæдыл.
Прокуратурæйы зылынгæнæн хатдзæг æмæ слестгæнджыты оперативон-агурæн æрмæджыты бындурыл тæрхондон амынд нæлгоймаджы Уæрæсейы Уголовон кодексы 264.1-æм статьяйы 1-æм хайы («Йæ шофыры бартæй административон æгъдаухæлды тыххæй чи фæиппæрд, уыцы адæймаг ногæй нозтджынæй хæдтулгæйы рулыл ба-
бадт») банымадта аххосджыныл.
Слестгæнджыты бæрæггæнæнтæм гæсгæ, нæлгоймаг 2025 азы мартъийы бонтæй иуы нозтджынæй йæ хæдтулгæйыл фæцæйцыд горæты уынгты (уыимæ, йæ шофыры бартæ ахæм æгъдаухæлды тыххæй раздæр ист æрцыдысты). Афтæмæй йæ баурæдтой фæндаггон-патрулон службæйы инспектортæ. Йæ бакаст дызæрдыггаг кæй уыд, уымæ гæсгæ инспектортæ сфæнд кодтой нæлгоймаджы дохтыртæн фенын кæнын. Фæлæ æгъдаухалæг медицинон цæстдардæй йæхи фæтылиф кодта.
Цауы æппæт æууæлтæ равзаргæйæ, тæрхондон аххосджынæн снысан кодта æнæмæнг æххæстгæнинаг куыстыты 160 сахаты. Иннæмæй, йæ шофыры бартæй ноджыдæр ма уæлæмхасæн фæиппæрд 2 азы æмгъуыдмæ. Уымæй уæлдай, паддзахадон зылынгæнæджы курдиаты бындурыл æгъдаухалæгæн йæ фæсарæйнаг хæдтулгæ тæрхондоны уынаффæйæ ист æрцыд паддзахады пайдайæн.
РЦИ-Аланийы Прокуратурæйы пресс-службæ
