Бындурон цалцæджы куыстытæ ацы аз кæм ахицæн сты, уыцы цæгатирыстойнаг скъолатæй цалдæрæн æрæджы байуæрстой 600 ноутбукæй фылдæр.
Уый тыххæй йæ телеграм-каналы ныффыста РЦИ-Аланийы ахуырад æмæ наукæйы министр Алыбегты Эллæ.
Министры ныхасмæ гæсгæ, скъолаты бындурон цалцæджы программæйы бындурыл хъомысджындæр кæны ахуырадон кусæндæтты материалон-техникон ифтонгдзинад дæр. «Республикæйы разамынд профилон ведомствæтæн бахæс кодта, цæмæй скъоладзауты ахуырæн арæзт цæуой нырыккон æдас æмæ æппæтфадатджын уавæртæ, педагогты куыстæн дæр – зæрдæзæгъгæ фадæттæ. Æмæ уыцы нысантыл архайд цæуы», – бафиппайдта министр.
Алыбегты Эллæ куыд фæбæрæг кодта, афтæмæй республикæ нысанмæарæзт федералон программæты зæрдиагæй кæй архайы, уый фæрцы фæстаг цалдæр азы дæргъы регионы ахуырады системæйы модернизацийыл хардзгонд æрцыд 10 миллиард сомæй фылдæр. Уыцы программæтыл куыст адарддæр уыдзæн хæстæгдæр фидæны дæр.
Нæ уацхæссæг
