Республикæйы ахуырад æмæ наукæйы министр Алыбегты Эллæ скодта фыццаг кусæг æмбырд регионы центртæ æмæ ведомствæйы кусджытæн. Рæгъмæ рахастæуыд 2026 азы нысантæ æмæ бакæнинаг хъуыддæгтæ.
Уæлдай æргом аздæхтой Скъоладзауты æппæтуæрæсеон олимпиадæмæ, йæ регионалон къæпхæн уал йæ тыхы бацыд, афтæмæй. Цæгат Ирыстонæй регионалон къæпхæнмæ рацыдысты æртæ мин ахуырдзауы бæрц. Министр куыд фæбæрæг кодта, афтæмæй 2026 аз Уæрæсейы Рухсады министрад расидт Скъолайы агъоммæ азæй, уымæ гæсгæ Алыбегты Эллæ бафæдзæхста, цæмæй бацæттæ кæной скъолайы агъоммæ кусæндæтты рæзтимæ баст мадзæлттæ.
Рæзгæ фæлтæры хъомылады фарстатæ дæр æнæ цæстдардæй нæ баззадысты. Хъæппæристы ‘хсæн сты алыхуызон хъомыладон хъуыддæгтæ, уыдонимæ – «Фыдыбæстæйы Хъæбатырты зæрдылдарæн уроктæ». Профилон ахуырады рæзтæн ахъазгæнæн фадæтты руаджы ахуырдзаутæн сæ бон уыдзæн раст фæндаг равзарын, царды дзы спайда кæнын. Уымæ гæсгæ профилон ахуырады
фарста дæр æвзæрст æрцыд.
РЦИ-Аланийы Ахуырад
æмæ наукæйы министрады пресс-службæ
