Мæздæджы тагъд рæстæг райдайдзæн сывæллæтты аивадон ног скъолайы арæзтад. Уый тыххæй фехъусын кодта РЦИ-Аланийы Арæзтад æмæ архитектурæйы министрады пресс-службæ.
Министрады минæвары хъусынгæнинагмæ гæсгæ, фидæны скъолайы агъуыст уыдзæн 3-уæладзыгон, æрбынæттон дзы уыдзыс-ты равдыстыты зал, методикон æмæ ахуырадон кабинеттæ, скульптурæйы, керамикæ æмæ аивады æндæр хуызты
æрмадзтæ, чиныгдон æмæ æндæр дæлхайæдтæ. Уыимæ, сæрмагонд фæзуаты сæвæрдзысты графикон дизайны, 3D-мыхуыр æмæ æндæр нырыккон технологиты сусæгдзинæдтыл ахуыргæнæн техникон фæрæзтæ дæр.
– Проекты куыд нысангонд цæуы, афтæмæй скъолайы кæрты арæзт æрцæудзысты экспозициты фæзуат æмæ фæллад-уадзæн тæлм, – радзырдтой министрады.
Ног ахуырадон кусæндоны арæзтад райдайдзæн ацы аз.
Нæ уацхæссæг
