Цæгат Ирыстоны Прокуратурæйы курдиатмæ гæсгæ, Арбитражон тæрхондон ногæй муниципалон исбонадмæ раздæхта, сæ иумæйаг аргъ 218 милуан сомæй фылдæр кæмæн у, уыцы зæххы хæйттæ.
Прокуратурæйы кусджытæ æркастысты, Дзæу-джыхъæуы аквакомплексы арæзтады тыххæй инвестицион проектыл архайгæйæ, закъонæвæрынады уагæвæрдтæ куыд æххæстгонд цыдысты, уымæ.
Куыд рабæрæг, афтæмæй 2022 азы амынд инвестицион проектыл бæрнон организацийæн лæвæрд æрцыдысты, сæ иумæйаг фæзуат 13,8 гектары кæмæн уыд, ахæм 5 зæххы хайы. Афтæмæй та закъонæвæрынадмæ гæсгæ, амынд зæххытыл нæй аразæн культурон-хиирхæфсæн объекттæ, уымæн æмæ хаст сты дзæбæхгæнæн-æнæниздзинад фидардæргæнæн тæлмыты номхыгъдмæ.
Прокуратурæ бахатыд РЦИ-Аланийы Арбитражон тæрхондонмæ, цæмæй амынд проекты фæдыл инвестицион бадзырд æмæ зæххытæ арендæйы раттыны тыххæй уынаффæтæ сæ тыхы мауал уой, æмæ зæххы хæйттæ ногæй лæвæрд æрцæуой Дзæуджыхъæуы исбонадмæ.
Тæрхондон Прокуратурæйы домæнтыл сразы, зæххы хæйттæ муниципалон исбонадмæ раздæхта.
РЦИ-Аланийы
Прокуратурæйы
пресс-службæ
