Хетæгкаты Къостайы номыл Цæгат Ирыстоны паддзахадон университеты уыд егъау бæрæгбон – Уæрæсейаг студентты бон. Уазджытææмæ фæсивæдæн бацæттæ кодтой концертон программæ, призтæ рамбулыны конкурсæмæ хуыздæр студентты хæрзиуджытæй схорзæхджын кæныны мадзæлттæ.
Бæрæгбон цыдис ЦИПУ-йы концерттæ аразæн залы. Бæстыхайы тыргъы фенæн уыдис нывкæнынады аивады факультеты студентты сфæлдыстадон куыстытæ.æппæт факультеттæ дæр сценæйыл равдыстой сæ арæхстдзинад кафтæмæ театралон дæсныйады. Бæрæгбон райдыдта ЦИПУ-йы кафджыты ансамбль «Иристон»-ы «Симд»-æй.
Уæрæсейаг студенты бон ахуыры лæуд фæсивæдæн арфæтæ ракодта РЦИ-Аланийы Сæргълæу-уæг Сергей Меняйло.
– Арæх мысдзыстут студенты азтæ. Скъола – уый иу, фæлæ студент уæвын та бынтонæндæр тæлмæнтæ сты. Студенты азтæ стыæрыгондзинады бонтæ,æмæ зæрдæйы цæрæнбонты рæсугъд мысинагæй баззайынц. Уæ хъуыдытææмæ фæндтææргом дзурын ма ‘фсæрмы кæнут, фидæн сымахмæ кæсы, – загъта нæ республикæйы Сæргълæу-уæг.
Бæрæгбоны уæлдай зæрдылдарæндæр цау уыдис студентты схорзæхджын кæныны
рæстæг. Хорз бæрæггæнæнтæ ахуыры, спорты, бархионты къордты, культурон-сфæлдыстадон, æхсæнадон æмæ наукон царды архайды сæрæнæй чи равдыста йæхи, уыцы фæсивæдæн сгуыхт хæрзиуджытæ раттой Дзæу-
джыхъæуы администрацийы сæргълæууæджы хæдивæг Ходы Мæдинæ, Уæрæсейы спорты мастер дзюдойæ, Олимпиаг хъæзтыты призер Тменаты Тамерланæмæ Адæмон фронты Цæгат Ирыс-тоны регионалон хайады разамонæг Гæлиты Клим. Сæ зæрдылæрлæууын кодтой сæрмагондæфсæддон операцийы архайæг студентты дæр. Абоны онг 71 студентæй 63 адæймаджы сты тохы раззагдæр рæнхъыты. ЦИПУ-йы ректор Огъуаты Алан фæнысан кодта, университет кæй у, алы адæмтææмæ культурæтæ,æвзæгтæ иу чи кæны, ахæм иу егъау бинонты хæдзар,æмæ абоны бæрæгбонæн дæр ахæм ахадындзинад ис.
– Студентты бон у хæлардзинад,æфсымæр-дзинадæмæ уæлахизты бæрæгбон. Студенттæ лабораториты сæ иртасæн куыстæйæнтыстджын къахдзæфтæ размæ кæнынц, спортивон залты та уæлахизтæм тырнынц. Сымах стут нæ фидæнæмæ нæ царды ныфс, – загъта Огъуаты Алан.
ЦИПУ-йы
пресс-службæ
