Компани «Газпром межрегионгаз Владикавказ»-ы лæггæдтæй чи пайда кæны, уыцы фæлхасгæнджытыл 2025 азы бафтыд 4 мины бæрц. Ахæм нымæцтæ фехъусын кодта компанийы пресс-службæ.
Куыстуаты минæвары ныхасмæ гæсгæ, уыцы ног абоненттæй 3,5 мины бæрц сты хи хæдзæртты хицæуттæ, 325 – промышленнон кусæндæттæ,
5 та – бюджетон организацитæ.
Фæстаг цалдæр азы компани стыр æргом здахы уæлæмхасæн газификацийы программæ æххæст кæнынмæ. Зæгъæм, ивгъуыд азы газы хæтæлтæ бауагътой 650 зæххы хайы арæнтæм.
Социалон газификацийы программæ респуб-ликæ æххæст кæнын куы райдыдта, уæдæй нырмæ газы хæтæлтæм баиу уæвыны тыххæй компанимæ курдиæттæ балæвæрдтой 3,7 мин фæлхасгæнæгæй фылдæр. Уыдонæй уал газы хæтæлтæ бауагътой 3,4 мин участочы арæнтæм, 2,7 мин фæлхасгæнæджы уал ныридæгæн баиу кодтой хæтæлтæм, иннæтимæ дæр куыст цæуы.
Зындгонд куыд у, афтæмæй амынд программæйы фæрцы газы хæтæлтæ лæвар бауадзынц участокты арæнтæм. Программæйыл куыст адарддæр уыдзæн 2026 азы дæр.
Нæ уацхæссæг
