– Уæрæсейы æмбал кæмæн нæй, ахæм ног проект æххæст кæнæм. Уый уыцы-иу рæстæг дыууæ фарстайы лыг кæны. Фыццаг: сæрмагонд æфсæддон операцийы архайджытæн æххуыс, куыст сын раттын æмæ сæ æхсæнадон цардимæ баиу кæнын. Дыккаг фарста: скъоладзаутæ æмæ студенттæм нывыл зондахаст цæмæй сæвзæра, патриотизмы фæрцы уымæн ахъаз кæнын, – загъта нæ регионы разамонæг.
Æрæджы Цæгат Ирыс-тоны Ахуырады кусджыты дæсныдзинад уæлдæргæнæг республикон институты уыд æфсæддон-патриотон хъомыладæй уынаффæгæнджыты ногæй цæттæ кæныны фæдыл программæаразæг кусæг къорды æмбырд. Фембæлды архайдтой Æппæтуæрæсеон адæмон фронты регионалон хайады фæсивæдон къабазмæ цæстдарæг Акъоты Батрадз, сæрмагонд æфсæддон операци æмæ программæ «Ирыстоны намыс»-ы архайæг Николай Лесник, ДОСААФ-ы разамонæджы хæдивæг Гъуцъунаты Елизаветæ æмæ иннæтæ.
– Нæ институты хæс у æфсæддон-патриотон хъомылады фарстаты фæдыл уынаффæгæнджыты цæттæ кæнын æмæ республикæйы Сæргълæууæджы бæлвырдгонд фæткмæ гæсгæ сæм цæст дарын. Æфсæддон-патриотон хъомыладæй уынаффæгæнджыты хæс уыдзæн патриотон клубтæн разамынд дæттын,
алыхуызон дзыллон мадзæлттæ аразын, сиддонтимæ кусын, стæй Хæстон намысы музейтæ æмæ æвзонг æфсæддонты къордтæм цæст дарын, – зæгъы институты ректор Гагиты Аланæ.
Сæрмагонд æфсæддон операцийы архайджытæ фæсивæдимæ арæхстджынæй куыд кусынц, уымæн дæнцæгтæ æрхæссæн ис федералон æмвæзадыл. Зæгъæм, Уæрæсейы Президент Владимир Путин æхсæнадон организаци «Фыццæгты змæлд»-ы правленийы сæрдарæй кæй сæвæрдта, Уæрæсейы уыцы Хъæбатыр Артур Орлов йæ куысты хæстæ æнтыстджынæй æххæст кæны.
Цæгат Ирыстоны
Ахуырады кусджыты
дæсныдзинад
уæлдæргæнæг
республикон
институты
пресс-службæ
