Ацы бонты Цæгат Ирыстоны йæ куыст кодта Уæрæсейы Президенты граждæнты цæугæ исæнуат. Республикæмæ Мæскуыйæ чи ссыд, уыцы бæрнон кусджыты къордæн разамынд лæвæрдта УФ-йы Президенты Администрацийы Граждайнаг службæйы, кадртæ æмæ коррупцийы ныхмæ архайды управленийы хицау Максим ТРАВНИКОВ.
Граждæнты цæугæ исæнуаты куысты, Президенты Администрацийы минæвæрттæй уæлдай, архайдтой æндæр профилон федералон ведомствæты специалисттæ дæр. Цæгат Ирыстонæй та мæскуыйаг инспекцион къордимæ фембæлдтыты архайæг уыдысты сæйраг федералон инспектор Сергей Гончаров, РЦИ-Аланийы Сæргълæууæг æмæ Хицауады Администрацийы разамонæг Гобеты Ибрагим, Хицауады Сæрдары фыццаг хæдивæг Отарты Георги, министрадты ра-
замонджытæ æмæ районты сæргълæуджытæ.
Президент Владимир Путины Администрацийы кусджытæ уæрæх пайда кæнынц граждæнты цæугæ исæнуаты фадæттæй. Уыдон бабиноныг кæнынц, адæм бæстæйы разамонæджы номыл цы курдиæттæ арвитынц, уыдон. Уый фæстæ цæугæ исæн-
уаты кусæг къорд абалц кæны иу кæнæ иннæ регионмæ, æмæ бынаты æркæсы æппæт лыггæнинаг фарстатæм дæр. Ацы хатт Президенты Администраци æмæ æндæр федералон структурæты минæвæрттæн ахæм инспекцион балц уыд Цæгат Ирыстонмæ.
Республикæйы цæрджыты курдиæттæм кæсгæйæ, фысымтæ æмæ инспекцион къорд, фыццаджы-фыццагдæр, бабæрæг кодтой Беслæн. Уым сын фембæлд уыд бынæттон цæрæг Габачиты Дианæимæ. Президенты номыл йæ фыстæджы сылгоймаг бахатыд, цæмæй цалцæггонд æрцæуа
М. Горькийы уынджы автомобилон фæндаг. Уыцы курдиаты фæдыл ныридæгæн архайд цæуы. Ныртæккæ.бæрнон ведомствæтæ кусынц объекты цалцæгæн хъæугæ документаци бацæттæ кæныныл. Куыд нысангонд цæуы, афтæмæй апрелæй августмæ подрядчик фæндаджы рацарæзты куыстытæ хъуамæ ахицæн кæна.
Лæмбынæг æркастæуыд Михайловскы цæрæг Светланæ Мельникы курдиатмæ дæр. Уый та рæгъмæ рахаста бынæттон райдайæн скъолайы бындурон цалцæджы фарс-
та. Уыцы хъуыддагыл дзургæйæ, Отарты Георги куыд бафиппайдта, афтæмæй ныридæгæн уынаффæ хаст æрцыд скъолайы рацарæзт федералон про-
екттæй иуы фæрцы сæххæст кæныны тыххæй. Цалцæджы куыстыты кæронбæттæн æмгъуыд – 2026 азы август.
Ахæм фæткы бындурыл бынæтты æркастæуыд Дзæуджыхъæуы, Мæздæджы æмæ Кировы районты цæрджыты курдиæттæм дæр. Уыдон дæр баст уыдысты æхсæнадон бынæтты рацарæзтимæ, фæлладуадзæн тæлмыты фæлгонцадимæ, ахсджиаг социалон кусæндæтты нывыладимæ. Æппæт курдиæттыл дæр бакусдзысты профилон ведомствæтæ æмæ подрядон организацитæ.
Регионы цæрджытимæ фембæлдтытæн хатдзæгтæ кæнгæйæ, Максим Травников бæлвырд амынддзинæдтæ ратта хицаудзинады оргæнты минæвæрттæн, стæй фæбæрæг кодта, æппæт курдиæттæ дæр æнæкъуыхцыйæ æххæстгонд кæй æрцæу-
дзысты, ууыл йæ зæрдæ кæй дары, уый.
Калманты Аслан
