Мæскуыйы апрелы мæйы арæзт æрцæудзысты Республикæ Хуссар Ирыстоны Культурæйы бонты мадзæлттæ.
Уый тыххæй фехъусын кодтой республикæйы Культурæйы министрады.
Ведомствæйы минæвары ныхасмæ гæсгæ, дыууæ бæстæйы профилон ведомствæтæ ныридæгæн бавнæлдтой уыцы ахсджиаг культурон-рухстауæн акцимæ цæттæгæнæн куыстытæ. Культурæйы бонты равдисдзысты Хуссар Ирыстоны паддзахадон драмон театры спектакльтæ, адæмон кæфтыты паддзахадон ансамбль «Симд»-ы концерттæ, цхинвайлаг нывгæнджыты куыстыты равдыстытæ…
Хуссар Ирыстоны Культурæйы бонтæ Уæрæсейы Федерацийы уыдзысты 20-22 апрелы. Ведомствæйы куыд фæбæрæг кодтой, афтæмæй мадзалы сæйрагдæр нысан у Мæскуыйы цæрджытæ æмæ уазджыты базонгæ кæнын хуссарирыстойнаг культурæ æмæ аивадимæ, фæхъомысджындæр кæнын Хуссар Ирыстон æмæ Уæрæсейы адæмты ‘хсæн æмархайд æмæ æппæтвæрсыг бастдзинæдтæ.
Июны мæйы та Хуссар Ирыстон «суазæг» кæндзæн Уæрæсейы Федерацийы Культурæйы бонтæ. Уыдоны фæтк æмæ сæ архайджыты номхыгъд бæлвырдгонд æрцæудзæн фæстæдæр.
(Информацион агентад «Спутник»)
