Фæндзæм æппæтуæрæсеон педагогон ахуырадон æмбырд «Ахуыргæнæг – Уæрæсейы фидæн!»-ы ныхас кæнгæйæ, нæ бæстæйы Рухсады министр Сергей Кравцов куыд фехъусын кодта, афтæмæй ацы аз амынд ведомствæ сфидар кæндзæн рæвдауæндæтты тыгъдадты фæлгонцадмæ æвдыст домæнтæ, сабитæн уагъд аивадон æмæ музыкалон уацмысты, стæй мультипликацион кинонывты номхыгъд.
– Ацы мадзæлттæ æнæмæнг æххæстгæнинаг сты. Рæвдауæндæттæн кæй бавдыстой, ацы ахуыры азы кæронмæ нæ министрад ахæм хъазæнты номхыгъд бæлвырдгæнæг нормæтæ бацæттæ кæндзæн. Скъолайы ахуырады уагæвæрды хуызæн чи у (ома, нæ министрад ахуыргæнæн чингуыты æмæ электронон авналæнты номхыгъд сбæлвырд кæны), скъолайы агъоммæ ахуырады системæйы дæр пайда кæндзыстæм ахæм уагæвæрдæй. Цауд хъусынгæнинæгтæ цæмæй ма фæзыной, уый тыххæй алцы стандартмæ гæсгæ сбæлвырд кæнæм, – загъта министр.
Скъоладзауты æппæт-уæрæсеон олимпиадæйы кæронбæттæн хайы архайынæн иуæй-иу предметты бацæуæн баллтæ чи фылдæр кæны, амынд министрад ахæм бардзырд сфидар кодта. Зæгъæм, ныр æхсæнадзонынадæй фарæстæм къласы бацæуæн балл у 183, дæсæм къласы – 187, иуæндæсæм къласы та – 193. Химийæ: фарæстæм къласы – 70 баллы, дæсæм къласы – 45, иуæндæсæм къласы та – 50,7 баллы.
Уымæй уæлдай, информатикæйæ олимпиадæ байуæрстой цыппар профилыл: программæарæзтад, кæнгæ интеллект, информацион æдасдзинад æмæ робототехникæ. Амынд олимпиадæ
ацæудзæн ацы азы 14 мартъийæ 3 маймæ 24 предметæй.
Гугкаты Жаннæ
